મુંબઈ ઈડીએ મની લોન્ડરિંગ કેસમાં મુંબઈના એક જૂથ પર દરોડા પાડ્યા છે. 975 કરોડના બેંક લોન ફ્રોડ કેસમાં EDએ દરોડા પાડ્યા છે. EDએ મંધાના ઈન્ડસ્ટ્રી લિમિટેડ પર મોટા પાયે દરોડા પાડ્યા છે, જે હવે GB ગ્લોબલ લિમિટેડ બની ગઈ છે. EDએ તપાસ દરમિયાન કંપનીના 140થી વધુ બેંક ખાતા અને અનેક લક્ઝરી વાહનો પણ જપ્ત કર્યા છે. આ મોટા બેંક લોન કૌભાંડની ગંભીરતાને કારણે EDની ઘણી ટીમો તપાસમાં લાગેલી છે. કહેવામાં આવી રહ્યું છે કે કથિત લોન બેંક ઓફ બરોડામાંથી લેવામાં આવી હતી. 

   EDએ મુંબઈમાં આ જૂથ પર દરોડા દરમિયાન ઘણા લક્ઝરી વાહનો પણ જપ્ત કર્યા છે. 950 કરોડના કથિત બેંક કૌભાંડમાં કાર્યવાહી દરમિયાન તપાસ એજન્સીએ મર્સિડીઝ બેન્ઝ અને લેક્સસ જેવા મોંઘા લક્ઝરી વાહનોની સાથે રોલેક્સ અને હુબ્લોટ જેવી બ્રાન્ડની ઘડિયાળો જપ્ત કરી છે. આ ઉપરાંત, દરોડા દરમિયાન ટીમે ઘણા શંકાસ્પદ અને વાંધાજનક દસ્તાવેજો અને ડિજિટલ ઉપકરણો પણ જપ્ત કર્યા છે. 

   મુંબઈમાં આ ગ્રૂપ પર દરોડા દરમિયાન, EDને કંપનીના 140 એકાઉન્ટ્સ વિશે પણ ખબર પડી જેના દ્વારા તેઓ ટ્રાન્ઝેક્શન કરે છે. તપાસ એજન્સીએ તમામ ખાતાઓ જપ્ત કરી લીધા છે અને કોઈપણ પ્રકારના વ્યવહાર પર પ્રતિબંધ લગાવી દીધો છે. EDએ તમામ ખાતાઓની તપાસ શરૂ કરી છે. ગ્રૂપ દ્વારા કેટલા ટ્રાન્ઝેક્શન અને કયા સમયે કરવામાં આવ્યા છે તેની તપાસ કરવામાં આવી રહી છે.

  બેંક લોન ફ્રોડ કેસમાં EDની ટીમ કંપનીના અધિકારીઓ અને કર્મચારીઓની પણ પૂછપરછ કરી રહી છે. આ મામલામાં બેંક ઓફ બરોડી દ્વારા મંધાના ઈન્ડસ્ટ્રીઝ વિરુદ્ધ કથિત લોન છેતરપિંડીનો કેસ નોંધવામાં આવ્યો છે.