News of Wednesday, 10th July 2024
નાનપણનો લગાવ કે જામનગરમાં ખીલ્યું પ્રેમનું પુષ્પ ? જાણો અનંત-રાધિકાની રસપ્રદ લવસ્ટોરી
સંબંધોના આ રહસ્યને બધા સાથે શેર કરતી વખતે રાધિકાએ કર્યા હતા કેટલાક ખુલાસા

મુંબઈ : અનંત અંબાણી અને રાધિકા મર્ચન્ટ 12 જુલાઈના રોજ લગ્નના બંધનમાં બંધાવાની તૈયારી કરી રહ્યા છે, પરંતુ તેમનો પ્રી-વેડિંગ ફેસ્ટિવલ માર્ચથી ચાલી રહ્યો છે. અંબાણી પરિવારે હાલમાં જ નીતા મુકેશ અંબાણી કલ્ચરલ સેન્ટર (NMACC) ખાતે દંપતી માટે એક ભવ્ય સંગીત સમારોહનું આયોજન કર્યું હતું.
આ પછી અંબાણી પરિવારે એન્ટિલિયા સ્થિત તેમના ઘરે દંપતીની હલ્દી સેરેમનીનું આયોજન કર્યું હતું. હવે ટૂંક સમયમાં જ અનંત-રાધિકાનો પ્રેમ પૂર્ણ થવાના આરે છે. આવી સ્થિતિમાં આ કપલની લવ સ્ટોરી જાણવા માટે દરેક જણ ઉત્સુક છે.
મુકેશ અને નીતા અંબાણીના સૌથી નાના પુત્ર અનંત અંબાણીએ ગયા વર્ષે જાન્યુઆરીમાં જ્યારે રાધિકા મર્ચન્ટ સાથે મુંબઈ સ્થિત પોતાના ઘર એન્ટિલિયામાં સગાઈ કરી ત્યારે તે ચર્ચામાં આવ્યો હતો. તેમની સગાઈએ તેમના જીવનમાં એક નવા અધ્યાયની શરૂઆત કરી, જેનાથી લોકો તેમના સંબંધો વિશે ઉત્સુક બન્યા.
રાધિકા મર્ચન્ટ એક પ્રતિષ્ઠિત પરિવારમાંથી આવે છે, તેના પિતા વિરેન મર્ચન્ટ અગ્રણી હેલ્થકેર બ્રાન્ડના CEO તરીકે સેવા આપે છે. જો અહેવાલોનું માનીએ તો, અનંત અને રાધિકા બાળપણથી જ મિત્રો હતા, તેઓએ તેમના બાળપણમાં ઘણો સમય સાથે વિતાવ્યો હતો, સમાન સામાજિક વર્તુળોમાં ફરતા હતા અને એક બંધન રચ્યું હતું જે આખરે પ્રેમમાં ખીલ્યું હતું.
શાળાકીય શિક્ષણ પૂર્ણ કર્યા પછી, અનંતે રોડ આઇલેન્ડની બ્રાઉન યુનિવર્સિટીમાં ઉચ્ચ શિક્ષણ મેળવ્યું, જ્યારે રાધિકાએ ન્યુયોર્ક યુનિવર્સિટીમાં અભ્યાસ કર્યો. 2018માં તેમની એક રોમેન્ટિક તસવીર વાયરલ થઈ ત્યારે તેમના સંબંધોની અફવાઓ ફેલાઈ હતી. રાધિકા મર્ચન્ટ ઈશા અંબાણી અને આકાશ અંબાણીના લગ્ન સહિત અનેક પારિવારિક કાર્યક્રમોમાં જોવા મળ્યા બાદ તેમના સંબંધો અંગેની અટકળોએ જોર પકડ્યું હતું.
કેટલાક રિપોર્ટસનું માનવામાં આવે તો, અનંત અને રાધિકા વર્ષ 2020માં કોરોના દરમિયાન જામનગરમાં સાથે અટવાઈ ગયા હતા. પોતાના સંબંધોના આ રહસ્યને બધા સાથે શેર કરતી વખતે રાધિકાએ કહ્યું હતું કે, 'માર્ચ 2020માં, અનંત અને હું અહીં બંધ હતા અને અમે મહિનાઓ સુધી અમારા પરિવારોને મળી શક્યા ન હતા. ભલે અલગ રહેવું મુશ્કેલ હતું, પણ અમે જીવનની નાની નાની ખુશીઓ માણતા શીખ્યા.
નેટવર્થની વાત કરીએ તો મીડિયા રિપોર્ટ્સ અનુસાર, 2000 કરોડ રૂપિયાની હેલ્થકેર કંપની ચલાવતા રાધિકાના પિતાની કુલ નેટવર્થ લગભગ 755 કરોડ રૂપિયા છે. અનંત અંબાણીની વાત કરીએ તો રિપોર્ટ અનુસાર અનંત અંબાણીની કુલ સંપત્તિ 3,44,000 કરોડ રૂપિયા છે.
(11:33 PM IST)









છેલ્લા 8 દિવસમાં સૌથી લોકપ્રિય 
