રાજસ્થાનમાંથી એક મોટા સમાચાર સામે આવી રહ્યા છે. સ્પાઈસઝેડની મહિલા કર્મચારી અને સીઆઈએસએફના એએસઆઈ વચ્ચે જયપુર એરપોર્ટ પર સુરક્ષા તપાસને લઈને દલીલ થઈ હતી. જેના પર મહિલા કર્મચારીએ ASIને થપ્પડ મારી દીધી હતી. આ મામલે પોલીસ અને CIFFને જાણ કરવામાં આવી છે. આરોપી મહિલાની ધરપકડ કરવામાં આવી છે. આ ઘટનાનો એક વીડિયો પણ સામે આવ્યો છે

   થપ્પડ મારનાર મહિલા કર્મચારીનું નામ અનુરાધા રાની છે, જે સ્પાઈસ જેટની ક્રૂ મેમ્બર છે. ગુરુવારે અનુરાધા રાની સુરક્ષા તપાસ વિના જયપુર એરપોર્ટમાં પ્રવેશી રહી હતી, ત્યારે CISFના ASI ગિરિરાજ પ્રસાદે તેને રોકી હતી. ASIએ વાહન ગેટમાં પ્રવેશવા માટે પરવાનગી પાસ માંગ્યો હતો, જે મહિલા પાસે નહોતો.

  આના પર CISF ઓફિસરે તેને નજીકના એન્ટ્રી ગેટ પર સ્ક્રીનિંગ કરાવવા કહ્યું, પરંતુ ત્યાં કોઈ મહિલા સ્ટાફ ન હતો. આ વાતને લઈને મહિલા કર્મચારી ગુસ્સે થઈ ગઈ હતી અને તેણે એએસઆઈ ગિરિરાજ પ્રસાદ સાથે બોલાચાલી કરી હતી. આ દરમિયાન તેણે ASIને થપ્પડ મારી હતી. આ ઘટના બાદ CISFએ મહિલા કર્મચારીની ધરપકડ કરી હત

  ી. આ અંગે સ્પાઈસજેટના પ્રવક્તાએ જણાવ્યું હતું કે જયપુર એરપોર્ટ પર સ્પાઈસજેટની મહિલા સુરક્ષા કર્મચારી અને સીઆઈએસએફ જવાન વચ્ચે દુર્ભાગ્યપૂર્ણ ઘટના બની હતી. સ્ટીલ ગેટ પર કેટરિંગ વાહનને એસ્કોર્ટ કરતી વખતે અમારા મહિલા સુરક્ષા સ્ટાફ પાસે BCAS દ્વારા જારી કરાયેલ માન્ય એરપોર્ટ એન્ટ્રી પાસ હતો.

 સીઆઈએસએફના જવાનોએ તેની સાથે ગેરવર્તણૂક કરી અને તેને ડ્યુટી બાદ તેના ઘરે મળવાનું કહ્યું. સ્પાઈસ જેટ તેની મહિલા કર્મચારી વિરુદ્ધ જાતીય સતામણીના આ ગંભીર કેસમાં તાત્કાલિક કાનૂની કાર્યવાહી કરી રહી છે અને તેણે સ્થાનિક પોલીસનો સંપર્ક કર્યો છે. અમે અમારા કર્મચારીની સાથે મજબૂતીથી ઊભા છીએ અને તેને સંપૂર્ણ સમર્થન આપવા માટે પ્રતિબદ્ધ છીએ.

   આ ઘટના પર સીઆઈએસએફના એક વરિષ્ઠ અધિકારીએ કહ્યું છે કે સ્પાઈસ જેટની એક મહિલા કર્મચારીને સુરક્ષા તપાસ કરાવવા માટે કહેવામાં આવ્યું હતું, પરંતુ તે સમયે ત્યાં કોઈ મહિલા સીઆઈએસએફ કર્મચારી ન હતી. આના પર સ્પાઈસ જેટની મહિલા કર્મચારી ગુસ્સે થઈ ગઈ અને તેણે ફરજ પરના CISF જવાનોને થપ્પડ મારી દીધી. તેની સામે કેસ નોંધવામાં આવ્યો છે અને તેની ધરપકડ કરવામાં આવી છે.