ત્રિપુરામાં, શાસક ભારતીય જનતા પાર્ટી (BJP) એ રાજ્યની ત્રિ-સ્તરીય પંચાયત વ્યવસ્થામાં લગભગ 70 ટકા બેઠકો બિનહરીફ જીતી લીધી છે. પંચાયત વ્યવસ્થામાં કુલ 6,889 બેઠકો છે, જેમાં ગ્રામ પંચાયત, પંચાયત સમિતિ અને જિલ્લા પરિષદનો સમાવેશ થાય છે અને ભાજપે 4,805 બેઠકો બિનહરીફ જીતી છે, એમ એક અધિકારીએ મંગળવારે જણાવ્યું હતું.

  ગ્રામ પંચાયતોમાં ભાજપે કુલ 6,370 બેઠકોમાંથી 4,550 બેઠકો પર બિનહરીફ જીત મેળવી છે. જેના કારણે 71 ટકા બેઠકો પર મતદાન થશે નહીં. રાજ્ય ચૂંટણી પંચ (SEC) સચિવ અસિત કુમાર દાસે જણાવ્યું હતું કે 1,819 ગ્રામ પંચાયત બેઠકોમાંથી જ્યાં મતદાન થશે, ભાજપે 1,809 બેઠકો પર ઉમેદવારો ઉભા રાખ્યા છે, જ્યારે CPI(M) એ 1,222 બેઠકો પર અને કોંગ્રેસે 731 બેઠકો પર ઉમેદવારો ઉભા રાખ્યા છે. 

   તેમણે કહ્યું કે ભાજપના સહયોગી ટીપ્રા મોથાએ 138 સીટો પર ઉમેદવારો ઉભા રાખ્યા છે. તેમણે કહ્યું કે પશ્ચિમ ત્રિપુરા જિલ્લાની મહેશખાલા પંચાયતની એક બેઠક પર ચૂંટણી યોજાશે નહીં. આ બેઠક પરથી ભાજપના ઉમેદવારનું અવસાન થયું હતું. દાસે કહ્યું, 'ભાજપે પંચાયત સમિતિઓની કુલ 423 બેઠકોમાંથી 235 બેઠકો બિનહરીફ જીતી લીધી છે, જે કુલ બેઠકોના 55 ટકા છે, હવે 188 બેઠકો માટે મતદાન થશે.'

  દાસે કહ્યું કે ભાજપે 116 જિલ્લા પરિષદ બેઠકોમાંથી 20 બિનહરીફ જીતી છે, જે કુલ બેઠકોના લગભગ 17 ટકા છે. નામાંકન પરત ખેંચવાની છેલ્લી તારીખ 22 જુલાઈ હતી જ્યારે 8 ઓગસ્ટે મતદાન થવાનું છે. મતગણતરી 12 ઓગસ્ટે થશે. છેલ્લી ચૂંટણીઓમાં, ભાજપે ત્રિ-સ્તરીય પંચાયત વ્યવસ્થામાં 96 ટકા બેઠકો પર બિનહરીફ જીત મેળવી હતી. નામ પરત ખેંચવાની છેલ્લી તારીખ 22 જુલાઈ હતી, જ્યારે 8 ઓગસ્ટે મતદાન થશે. મતગણતરી 12 ઓગસ્ટે થશે. છેલ્લી ચૂંટણીઓમાં, ભાજપે ત્રિ-સ્તરીય પંચાયત વ્યવસ્થામાં બિનહરીફ 96 ટકા બેઠકો જીતી હતી.