<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Friday, 26th July 2024

વેન ડ્રાઈવરને હાર્ટ એટેક આવ્યો:મરતા પહેલા બચાવ્યા 20 બાળકોના જીવ :સીએમ સ્ટાલિન સુધીનાએ કરી સલામ

ડ્રાઈવરની ત્વરિતતા અને હિંમતને કારણે વાનમાં સવાર તમામ વિદ્યાર્થીઓ સુરક્ષિત રહ્યા.

નવી દિલ્હી : કહેવાય છે કે સાચો હીરો એ છે જે પોતાના જીવની પરવા કર્યા વિના બીજાનો જીવ બચાવે છે. આવો જ એક કિસ્સો તમિલનાડુના તિરુપુર જિલ્લામાં જોવા મળ્યો હતો જ્યાં એક સ્કૂલ વાન ડ્રાઈવરે હાર્ટ એટેકને કારણે મૃત્યુ પામતા પહેલા 20 બાળકોના જીવ બચાવ્યા હતા. ડ્રાઈવરે રસ્તાની બાજુમાં સલામત રીતે વાન રોકી અને થોડી જ ક્ષણો પછી, શંકાસ્પદ હાર્ટ એટેકથી તેનું મૃત્યુ થયું. ડ્રાઈવરને હોસ્પિટલમાં લઈ જવામાં આવ્યો જ્યાં તેને મૃત જાહેર કરવામાં આવ્યો

  . ઈન્ડિયા ટુડેના અહેવાલ મુજબ, આ ઘટના બુધવાર, 24 જુલાઈના રોજ બની હતી, જ્યારે સેમલાઈયપ્પન વેલ્લાકોઈલની ANV મેટ્રિક્યુલેશન સ્કૂલના વિદ્યાર્થીઓને તેમના ઘરે ડ્રોપ કરી રહ્યો હતો. તેને છાતીમાં દુ:ખાવો ઉપડ્યો અને ખૂબ જ મુશ્કેલીથી કારને રસ્તાના કિનારે સલામત રીતે પાર્ક કરી. વાનમાં 20 જેટલા વિદ્યાર્થીઓ હતા. ડ્રાઈવરની ત્વરિતતા અને હિંમતને કારણે વાનમાં મુસાફરી કરી રહેલા તમામ વિદ્યાર્થીઓ સુરક્ષિત રહ્યા. ડ્રાઈવરના આ કૃત્યની સર્વત્ર પ્રશંસા થઈ રહી છે.

  સ્કૂલના બાળકો સાથે ડ્રાઈવરની સીટ પર બેભાન બેઠેલા સેમલાઈયપ્પનની તસવીર સોશિયલ મીડિયા પ્લેટફોર્મ X પર વાયરલ થઈ છે અને યુઝર્સ ડ્રાઈવરના બહાદુર કાર્યને સલામ કરી રહ્યા છે. તેમના પરિવાર અને સમાજમાં શોકનું મોજુ ફરી વળ્યું છે. ડ્રાઇવરની પત્ની પણ આ જ સ્કૂલમાં આસિસ્ટન્ટ તરીકે કામ કરે છે અને જ્યારે તેનો પતિ બેહોશ થયો ત્યારે તે પણ વાનમાં જ હતી.

  તમિલનાડુના મુખ્યમંત્રી એમકે સ્ટાલિન સહિત ઘણા લોકોએ ડ્રાઇવરના પરાક્રમી કાર્યની પ્રશંસા કરી, જેણે મૃત્યુની આરે હોવા છતાં બાળકોનો જીવ બચાવ્યો. "તેમનો જીવ જોખમમાં હોવા છતાં, તેણે શાળાના વિદ્યાર્થીઓના અમૂલ્ય જીવન બચાવ્યા. અમે તેમની ફરજની ભાવના અને આત્મ-બલિદાન માટે તેમને સલામ કરીએ છીએ. તે તેમના માનવતાવાદી કાર્ય દ્વારા જીવશે," 

 સ્ટાલિને એક નિવેદનમાં જણાવ્યું હતું. સીએમ સ્ટાલિને સેમલયપ્પનના પરિવારને 5 લાખ રૂપિયાના વળતરની જાહેરાત કરી છે. ડીએમકેના મંત્રી સાંસદ સમીનાથને શોકગ્રસ્ત પરિવારને ચેક સોંપ્યો. શુક્રવારે ખાનગી શાળાના વિદ્યાર્થીઓ અને શિક્ષકોએ વાન ચાલકને શ્રદ્ધાંજલિ આપી હતી. શાળા શિક્ષણ મંત્રી અનબિલ મહેશે પણ પરિવારને મળીને શ્રદ્ધાંજલિ આપી હતી.

(11:50 PM IST)