તેલંગાણાથી ઉતરાખંડ સુધી ભારે વરસાદ પડશે : ગુજરાતમાં થંડર સ્ટોર્મની ચેતવણી
માછીમારોને પ દિવસ દરીયામાં ન જવા ચેતવણી અપાઇઃ જુદા-જુદા રાજયોમાં ચોમાસાની જમાવટ
નવી દિલ્હી, તા., ૮: ગુજરાત સહીત દેશભરમાં વરસાદની સ્થિતિ છે. ઉત્તરથી દક્ષિણ સુધીના મોટાભાગના ભાગોમાં ઓગસ્ટની શરૂઆતથી ચોમાસું ફરી એકવાર સંપૂર્ણ રીતે સક્રિય થઈ ગયું છે. દિલ્હી, યુપી, ઉત્તરાખંડ, બિહાર, હિમાચલ પ્રદેશ, આસામ, બંગાળ સહિતના વિવિધ રાજ્યોમાં હળવાથી મધ્યમ વરસાદની ગતિવિધિઓ જોવા મળી રહી છે અને ઘણી જગ્યાએ ભારે વરસાદની ગતિવિધિઓ જોવા મળી રહી છે. હવામાન વિભાગ (IMD) એ પﾍમિ બંગાળ, સિક્કિમ, ઉત્તરાખંડ, ગુજરાત, આસામ, મેઘાલય, નાગાલેન્ડ, મણિપુર, મિઝોરમ, ત્રિપુરા અને અરુણાચલ પ્રદેશમાં આજે ૮ ઓગસ્ટે ભારે વરસાદની આગાહી કરી છે. આ સાથે રાષ્ટ્રીય રાજધાની દિલ્હી માટે પણ યલો એલર્ટ જાહેર કર્યું છે.
હવામાન વિભાગે ગુજરાતમાં ભારે વરસાદની આગાહી કરી છે. આગામી ત્રણ દિવસ ભારે વરસાદની ચેતવણી છે. IMD એ આગામી ત્રણ દિવસ સુધી ગુજરાતમાં થંડર સ્ટોર્મની ચેતવણી આપી છે. આ ઉપરાંત માછીમારોને આગામી પાંચ દિવસ સુધી દરિયામાં ન જવા માટે એલર્ટ આપવામાં આવ્યું છે.
હવામાનશાષાી રામાશ્રય યાદવે માહિતી આપી હતી કે, ૮ ઓગસ્ટે ગુજરાતના નવસારી, વલસાડ, દમણ, દાદરા અને નગર હવેલીમાં ભારે વરસાદની ચેતવણી જાહેર કરવામાં આવી છે. જ્યારે ૯ ઓગસ્ટે બનાસકાંઠા, સાબરકાંઠા, ભાવનગર, ભરૂચ, સુરત, નવસારી, વલસાડ, દમણ, દાદરા અને નગર હવેલીમાં ભારે વરસાદ પડી શકે છે. આ ઉપરાંત ૧૦ ઓગસ્ટે બનાસકાંઠા, સાબરકાંઠા, ભાવનગર, નવસારી, વલસાડ, દમણ, દાદરા અને નગર હવેલીમાં ભારે વરસાદની શકયતા છે. આ સમયગાળા દરમિયાન દરિયાઈ વિસ્તારો તરફ પવનની ગતિ ૪૦ કિલોમીટર પ્રતિ કલાકની રહેશે.
ગુજરાતમાં ૧ જૂનથી અત્યાર સુધીમાં વરસાદની વાત કરીએ તો રાજ્યમાં અત્યાર સુધીમાં સિઝનનો કુલ ૬૮.૪૧ ટકા વરસાદ નોંધાયો છે, જેમાં સૌથી વધુ ૮૬.૭૦ ટકા વરસાદ ગુજરાતના કચ્છમાં, ૮૨.૫૩ ટકા દક્ષિણ ગુજરાતમાં પડ્યો છે. સૌરાષ્ટ્રમાં ૭૮.૨૦ ટકા, ઉત્તર ગુજરાતમાં સિઝનના કુલ વરસાદના ૫૧.૧૪ ટકા અને મધ્ય-પૂર્વ ગુજરાતમાં ૪૯.૨૯ ટકા વરસાદ નોંધાયો છે.
દિલ્હીના હવામાન વિશે વાત કરીએ તો ૮ ઓગસ્ટના રોજ સામાન્ય રીતે વાદળછાયું વાતાવરણ રહેશે. આ સમયગાળા દરમિયાન હળવાથી મધ્યમ વરસાદની પણ સંભાવના છે. હવામાનની આગાહી અનુસાર, દિલ્હીમાં ૧૧ ઓગસ્ટ સુધી હળવાથી મધ્યમ વરસાદ ચાલુ રહેવાની સંભાવના છે. આ સમગ્ર સપ્તાહમાં દિલ્હીનું મહત્તમ તાપમાન ૩૨ થી ૩૩ ડિગ્રી સેલ્સિયસની વચ્ચે રહી શકે છે. જ્યારે લઘુત્તમ તાપમાન ૨૫ થી ૨૬ ડિગ્રીની આસપાસ રહેવાની શકયતા છે.
હવામાન વિભાગે આજે પૂર્વ ચંપારણ, પﾍમિ ચંપારણ, સીતામઢી, શિવહર, મધુબની, સુપૌલ, અરરિયા, બિહારના કિશનગંજમાં ભારે વરસાદની ચેતવણી જાહેર કરી છે. સમસ્તીપુર, મુઝફ્ફરપુર, દરભંગા, સારણ, સિવાન, ગોપાલગંજ, સહરસા, મધેપુરા, પૂર્ણિયા, કટિહાર સહિત ઘણા જિલ્લાઓમાં ગાજવીજ સાથે વીજળી પડવાની સંભાવના છે.
IMDએ ફરી એકવાર ઉત્તરાખંડમાં ભારે વરસાદનું એલર્ટ જાહેર કર્યું છે. IMDના ડાયરેક્ટર ડૉ.બિક્રમ સિંહે જણાવ્યું કે, રાજ્યના તમામ જિલ્લાઓમાં ભારે વરસાદની આગાહી છે. ઉત્તરકાશી, બાગેશ્વર, રૂદ્રપ્રયાગ, ચમોલી, નૈનીતાલ, પૌરી, ટિહરીમાં ૮ ઓગસ્ટે ભારે વરસાદ થઈ શકે છે.
ભારતીય હવામાન વિભાગ (IMD) એ અનેક રાજ્યોમાં ૦૮ અને ૦૯ ઓગસ્ટે ભારે વરસાદની ચેતવણી આપી છે. બિહાર, હિમાચલ પ્રદેશ, ઉત્તરાખંડ, આસામ, મેઘાલય અને ઓડિશા, પﾍમિ બંગાળ, સિક્કિમ, નાગાલેન્ડ, મણિપુર, મિઝોરમ, ત્રિપુરા અને અરુણાચલમાં ભારે વરસાદ પ્રદેશે શકયતા વ્યક્ત કરી છે. હવામાનની આગાહી કરતી એજન્સી સ્કાયમેટ અનુસાર, ૮ ઓગસ્ટે છત્તીસગઢ, તેલંગાણા, મધ્યપ્રદેશ, વિદર્ભ, કોંકણ, ગોવા અને તટીય કર્ણાટકમાં મધ્યમથી ભારે વરસાદ પડી શકે છે. જ્યારે પૂર્વ રાજસ્થાન, દિલ્હી, ઉત્તરાખંડ, હિમાચલ પ્રદેશ, જમ્મુ કાશ્મીર, ઉત્તર પ્રદેશ, આંધ્ર પ્રદેશ, બિહાર, ઝારખંડ, પﾍમિ બંગાળ, ઓડિશા, સિક્કિમ અને ઉત્તરપૂર્વ ભારતમાં કેટલાક સ્થળોએ હળવાથી મધ્યમ વરસાદ સાથે કેટલાક સ્થળોએ ભારે વરસાદ પડી શકે છે.
(3:01 PM IST)
છેલ્લા 8 દિવસમાં સૌથી લોકપ્રિય 
