વિનેશ ફોગાટનું મેડલ વિજેતાની જેમ સ્વાગત અને સન્માન કરવામાં આવશે
હરિયાણાના મુખ્યમંત્રી નાયબસિંહ સૈનીની જાહેરાત
નવી દિલ્હી તા. ૮ : ભારતીય રેસલર વિનેશ ફોગાટે પેરિસ ઓલિમ્પિકમાં ફાઈનલ પહેલા અયોગ્ય જાહેર થયા બાદ કુશ્તીમાંથી નિવૃત્તિ જાહેર કરી છે. આ દરમિયાન હરિયાણાના મુખ્યમંત્રી નાયબ સિંહ સૈનીએ જાહેરાત કરી છે કે, ‘વિનેશ ફોગાટનું મેડલ વિજેતાની જેમ સ્વાગત અને સન્માન કરવામાં આવશે.'
હરિયાણાના મુખ્યમંત્રી નાયબ સિંહ સૈની સોશિયલ મીડિયા પ્લેટફોર્મ ‘X’ પર પોસ્ટ કરીને લખ્યું ‘હરિયાણા સરકાર ઓલિમ્પિકમાં સિલ્વર મેડલ વિજેતાને જે સન્માન, પુરસ્કાર અને સુવિધાઓ આપે છે તે વિનેશ ફોગટને પણ કૃતજ્ઞતા સાથે આપવામાં આવશે.'
હરિયાણા સરકારે પેરિસ ઓલિમ્પિકમાં ગોલ્ડ મેડલ જીતનાર ખેલાડીને ૬ કરોડ રૂપિયા, સિલ્વર મેડલ જીતનારને ૪ કરોડ રૂપિયા અને બ્રોન્ઝ મેડલ જીતનારને ૨.૫ કરોડ રૂપિયાનું ઈનામ આપવાની જાહેરાત કરી હતી. આ ઉપરાંત રાજય સરકાર ઓલિમ્પિકમાં ભાગ લેનાર ખેલાડીઓને ૧૫ લાખ રૂપિયાની રકમ પણ આપશે. આ સાથે મેડલ અનુસાર ગ્રુપ એ, ગ્રુપ બી અથવા ગ્રુપ સીની સરકારી નોકરી પણ આપવામાં આવશે.
(3:03 PM IST)
છેલ્લા 8 દિવસમાં સૌથી લોકપ્રિય 
