બ્રાઝીલમાં વિમાન દુર્ઘટના : ૬૨ લોકોનાં મોત
વિમાનમાં ૫૮ યાત્રી - ૪ ક્રુ મેમ્બર હતા : હવામાં બેકાબુ થઇ નીચે પડયું
લંડન, તા.૧૦: બ્રાઝિલના સાઓ પાઉલો રાજ્યના એક શહેરના રહેણાંક વિસ્તારમાં શુક્રવારે ૬૨ લોકોને લઈને જતું વિમાન ક્રેશ થયું હતું. એરલાઇન દ્વારા જારી કરવામાં આવેલા નિવેદનમાં કહેવામાં આવ્યું છે કે તમામ મુસાફરોના ઘટનાસ્થળે જ મોત થયા છે. આ પ્લેન સાઓ પાઉલોના ગુઆરુલોસ ઈન્ટરનેશનલ એરપોર્ટ માટે ઉડાન ભરી હતી. નિવેદન અનુસાર, પ્લેનમાં ૫૮ મુસાફરો અને ચાર ક્રૂ મેમ્બર સવાર હતા. જો કે વિમાન કેવી રીતે દુર્ઘટનાગ્રસ્ત થયું તે જાણી શકાયું નથી.
પ્લેન ક્રેશના કેટલાક વિઝ્યુઅલ સોશિયલ મીડિયા પર સામે આવ્યા છે. આમાં દુર્ઘટનાની તીવ્રતા સ્પષ્ટપણે જોઈ શકાય છે. વીડિયોમાં જોવા મળી રહ્યું છે કે વિમાન અચાનક હવામાં ફરવા લાગે છે. આ પછી તે સંપૂર્ણપણે કાબૂ બહાર જાય છે અને ઝડપથી જમીન તરફ પડવા લાગે છે. જેના કારણે પ્લેન જ્યાં પડ્યું છે ત્યાં અરાજકતા સર્જાય છે. ત્યારબાદના વિઝ્યુઅલમાં પ્લેન પડી રહ્યું છે અને ધુમાડો ઝડપથી વધી રહ્યો છે. અન્ય વીડિયોમાં જ્વાળાઓ દેખાઈ રહી છે. મુસાફરોનો સામાન અહીં-ત્યાં વિખરાયેલો છે અને કેટલાક લોકોના મળતદેહ સળગતા જોવા મળે છે.
મળતી માહિતી મુજબ, દુર્ઘટનાગ્રસ્ત એરક્રાફ્ટ ATR ૭૨-૫૦૦ ટ્વીન એન્જિન ટર્બોપ્રોપ પ્લેન હતું. પ્લેન માત્ર એક જ મિનિટમાં ૧૭૦૦૦ ફૂટની ઊંચાઈએથી પડી ગયું હતું. કહેવાય છે કે દુર્ઘટનાના લગભગ દોઢ મિનિટ બાદ પ્લેનએ નિયંત્રણ ગુમાવવાનું શરૂ કરી દીધું હતું. સ્થાનિક સમય અનુસાર બપોરે ૧:૨૧ વાગ્યે તે ૧૭ હજાર ફૂટની ઉંચાઈ પર હતું. આગામી દસ સેકન્ડમાં તે ૨૫૦ ફૂટ નીચે ઉતરી ગયો. આ પછી, આગામી આઠ સેકન્ડમાં તે ફરીથી ૪૦૦ ફૂટ ઉપર ગયો. આઠ સેકન્ડ પછી પ્લેન ફરીથી ૨૦૦૦ ફૂટ નીચે ઉતર્યું. આ પછી, પછીની એક મિનિટમાં પ્લેન ૧૭૦૦૦ ફૂટ નીચે આવી ગયું અને રમત સમાપ્ત થઈ ગઈ.
રાષ્ટ્રપતિ લુઇસ ઇનાસિયો લુલા દા સિલ્વાએ દક્ષિણ બ્રાઝિલમાં એક કાર્યક્રમમાં શોક વ્યક્ત કર્યો. તેણે કહ્યું કે એવું લાગે છે કે પ્લેનમાં સવાર તમામ મુસાફરો અને ક્રૂ મળત્યુ પામ્યા છે. ફાયર વિભાગ, સૈન્ય પોલીસ અને નાગરિક સંરક્ષણ સત્તાવાળાઓએ વિન્હોડોમાં અકસ્માત સ્થળ પર ટીમો મોકલી. બ્રાઝિલના ટેલિવિઝન નેટવર્ક ગ્લોબોન્યૂઝે ઘરોથી ભરેલા રહેણાંક વિસ્તારમાં પ્લેનના ભંગારમાંથી નીકળતા આગ અને ધુમાડાના ગોટેગોટાના ફૂટેજ દર્શાવ્યા હતા.
(9:39 AM IST)
છેલ્લા 8 દિવસમાં સૌથી લોકપ્રિય 
