મુંબઇ, તા.૧૦: ભારતીય રિઝર્વ બેંકે સતત નવમી વખત રેપો રેટને ૬.૫ ટકા પર રાખ્‍યાના એક દિવસ બાદ, કેટલીક બેંકોએ વ્‍યાજ દરોમાં ફેરફાર કર્યા છે. જેમાં કેનેરા બેંક, બેંક ઓફ બરોડા અને યુકો બેંકનો સમાવેશ થાય છે.

કેનેરા બેંકે જાહેરાત કરી કે જાહેર ક્ષેત્રની કેનેરા બેંકે ભંડોળના સીમાંત ખર્ચ આધારિત વ્‍યાજ (MCLR)માં ૦.૦૫ ટકાનો વધારો કર્યો છે. આ વધારો તમામ મુદતની લોન માટે કરવામાં આવ્‍યો છે. આનાથી મોટાભાગની ગ્રાહક લોન મોંઘી થશે. કેનેરા બેંકે શેરબજારને આપેલી માહિતીમાં કહ્યું કે એક વર્ષના સમયગાળા માટે MCLR હવે નવ ટકા રહેશે. હાલમાં તે ૮.૯૫ ટકા છે. તેનો ઉપયોગ મોટાભાગની ગ્રાહક લોન જેમ કે વાહન અને વ્‍યક્‍તિગત લોન પર વ્‍યાજ નક્કી કરવા માટે થાય છે.

ત્રણ વર્ષ માટે MCLR ૯.૪૦ ટકા રહેશે જ્‍યારે બે વર્ષ માટે MCLR ૦.૦૫ ટકા વધારીને ૯.૩૦ ટકા કરવામાં આવ્‍યો છે. એક મહિના, ત્રણ મહિના અને છ મહિનાના કાર્યકાળ માટે વ્‍યાજ ૮.૩૫-૮.૮૦ ટકાની રેન્‍જમાં હશે. નવા દરો ૧૨ ઓગસ્‍ટ, ૨૦૨૪થી લાગુ થશે.

બેંક ઓફ બરોડા આ સિવાય બેંક ઓફ બરોડાએ ૧૨ ઓગસ્‍ટથી કેટલાક સમયગાળા માટે પ્‍ઘ્‍ન્‍ય્‍માં ફેરફાર કર્યા છે. UCO બેંકની એસેટ લાયબિલિટી મેનેજમેન્‍ટ કમિટી (ALCO) અમુક ચોક્કસ સમયગાળા માટે ધિરાણ દરમાં ૧૦ ઓગસ્‍ટથી પાંચ બેસિસ પોઈન્‍ટ્‍સ (bps)નો વધારો કરશે. RBIનો નિર્ણય ગયા ગુરુવારે, RBI ગવર્નર શક્‍તિકાંત દાસે મંગળવારથી શરૂ થયેલી મોનેટરી પોલિસી કમિટી (MPC)ની ત્રણ દિવસીય બેઠકમાં લેવાયેલા નિર્ણય વિશે માહિતી આપી હતી. તેમણે કહ્યું કે ફુગાવા અંગે સાવચેતીભર્યું વલણ જાળવી રાખીને રેપો રેટને ૬.૫ ટકા પર યથાવત રાખવામાં આવ્‍યો છે. છમાંથી ચાર MPC સભ્‍યોએ પોલિસી રેટ યથાવત રાખવાની તરફેણમાં મતદાન કર્યું હતું. તમને જણાવી દઈએ કે MPCએ ગયા વર્ષે ફેબ્રુઆરીમાં પોલિસી રેટમાં સુધારો કર્યો હતો અને તેને વધારીને ૬.૫ ટકા કર્યો હતો.