હું ઇચ્છું છું કે ટેક્સને શૂન્ય પર લઈ આવું : નાણામંત્રી સીતારમણ
પણ એવું ન કરી શકવા પાછળના દેશના પડકારોનો હવાલો પણ આપ્યો
ભોપાલ, તા.૧૪: ભોપાલ IISERના દીક્ષાંત સમારોહમાં હાજરી આપવા પહોંચેલા કેન્દ્રીય નાણામંત્રી નિર્મલા સીતારમણે ટેક્સના દર મામલે નિવેદન આપતા કહ્યું કે તેમની ઈચ્છા છે કે તે ટેક્સને શૂન્ય પર લઈ આવે.
દરવખતે દેશના બજેટમાં ટેક્સ દરને મામલે ટ્રોલ થનારાં કેન્દ્રીય નાણામંત્રી નિર્મલા સીતારમણની પીડા મધ્યપ્રદેશની રાજધાની ભોપાલમાં છલકાઈ આવી. તેમણે ટેક્સને શૂન્ય એટલે કે ઝીરો પર લઈ આવવાની ઇચ્છા વ્યક્ત કરી. પણ એવું ન કરી શકવા પાછળના દેશના પડકારોનો હવાલો પણ આપ્યો.
ભારતીય વિજ્ઞાન શિક્ષણ અને સંશોધન સંસ્થાન (IISER), ભોપાલના દીક્ષાંત સમારોહમાં હાજરી આપવા આવેલા કેન્દ્રીય નાણા મંત્રી નિર્મલા સીતારમણે ટેક્સના દરો અંગે નિવેદન આપતા કહ્યું કે તેમની ઈચ્છા ટેક્સને શૂન્ય પર લાવવાની છે.
વાસ્તવમાં, દીક્ષાંત સમારોહને સંબોધિત કરતી વખતે, નાણાપ્રધાન નિર્મલા સીતારમણે કહ્યું હતું કે, ઘણી વખત એવો સમય આવે છે જ્યારે, દેશના નાણાપ્રધાન તરીકે, મારે લોકોને જવાબ આપવો પડે છે કે આપણા કર આવા કેમ છે? ટેક્સ આનાથી ઓછો કેમ ન હોઈ શકે? હું તેને લગભગ શૂન્ય પર લાવવા માંગુ છું, પરંતુ દેશ સમક્ષ પડકારો મોટા છે અને દેશે તેને પાર કરવાનો છે.
તમને જણાવી દઈએ કે ભારતીય વિજ્ઞાન શિક્ષણ અને સંશોધન સંસ્થાન, ભોપાલમાં ૧૧મા દીક્ષાંત સમારોહ દરમિયાન રાજ્યના મુખ્યમંત્રી ડૉ. મોહન યાદવ અને કેન્દ્રીય નાણા મંત્રી શ્રીમતી નિર્મલા સીતારમણે એકેડેમિક બિલ્ડિંગ અને લેક્ચર હોલનો શિલાન્યાસ કર્યો હતો સંસ્થા અને શૈક્ષણિક સરઘસમાં ભાગ લીધો.
(9:37 AM IST)
છેલ્લા 8 દિવસમાં સૌથી લોકપ્રિય 
