અદાણી ગ્રૂપના પ્રમોટરોએ અંબુજા સિમેન્ટમાં લગભગ 2.8 ટકા હિસ્સો GQG પાર્ટનર્સ જેવા રોકાણકારોને રૂપિયા 4,250 કરોડમાં ઓપન માર્કેટ ટ્રાન્ઝેક્શન દ્વારા વેચ્યો છે. પ્રમોટરોએ અદાણી ગ્રૂપમાં તેમનો હિસ્સો ઇચ્છિત સ્તરે જાળવી રાખવા માટે તેમના નિયમિત ગોઠવણના ભાગરૂપે અંબુજા સિમેન્ટ્સમાં હિસ્સો વેચ્યો છે.

  દરમિયાન, રાજીવ જૈન સમર્થિત GQG પાર્ટનર્સે બે અલગ-અલગ વ્યવહારોમાં બલ્ક ડીલ દ્વારા અંબુજા સિમેન્ટ્સમાં 4.39 કરોડ શેર (1.78 ટકા હિસ્સો) ખરીદ્યા હતા. શેર પ્રતિ શેર રૂપિયા 625.50ના સરેરાશ ભાવે ખરીદવામાં આવ્યા હતા, જેનું સંયુક્ત સોદાનું મૂલ્ય રૂપિયા 2,746.79 કરોડ થયું હતું.

    સોદા પછી, ફોર્ટ લોડરડેલ સ્થિત એસેટ મેનેજમેન્ટ કંપની GQG પાર્ટનર્સનો અંબુજા સિમેન્ટ્સમાં હિસ્સો 1.35 ટકાથી વધીને 3.13 ટકા થયો છે. શુક્રવારે 22 ઓગસ્ટના રોજ અંબુજા સિમેન્ટના શેર 635.00 પર બંધ થયું હતું.

   નેશનલ સ્ટોક એક્સચેન્જ (NSE) પર ઉપલબ્ધ ડેટા અનુસાર, અંબુજા સિમેન્ટ્સના પ્રમોટર્સ હોલ્ડરિન્ડ ઇન્વેસ્ટમેન્ટ્સ લિમિટેડે 6.79 કરોડ શેર (2.8 ટકા હિસ્સો) વેચ્યા છે. શેરનું વેચાણ સરેરાશ રૂપિયા 625.50 પ્રતિ શેરના ભાવે થયું હતું, જે સોદાનું મૂલ્ય રૂપિયા 4,250.64 કરોડ થયું હતું

  સોદા પછી, અંબુજા સિમેન્ટ્સમાં હોલ્ડરેન્ડ ઇન્વેસ્ટમેન્ટ્સનો હિસ્સો 50.90 ટકાથી ઘટીને 48.1 ટકા થયો છે. ઉપરાંત, અંબુજા સિમેન્ટ્સના પ્રમોટરોનો સંયુક્ત હિસ્સો 70.33 ટકાથી ઘટીને 67.53 ટકા થયો છે. અબજોપતિ ગૌતમ અદાણીની આગેવાની હેઠળના પ્રમોટર્સ જૂથ જૂથની 10 લિસ્ટેડ કંપનીઓમાં $125 બિલિયનના શેર ધરાવે છે.