લખનૌ. ઉત્તર રેલવે લખનૌ ડિવિઝનમાં અમેઠી જિલ્લાના આઠ સ્ટેશનોના નામ બદલવામાં આવશે. રેલવેએ આ માટે આદેશ જારી કર્યા છે. અમેઠી જિલ્લાના કાશિમપુર હોલ્ટને હવે જૈસ સિટી તરીકે ઓળખવામાં આવશે. એ જ રીતે જૈસનું નામ ગુરુ ગોરખનાથ ધામ રાખવામાં આવશે.

   આ સિવાય મિશ્રૌલીને મા કાલિકન ધામ તરીકે, બાનીને સ્વામી પરમહંસ તરીકે, નિહાલગઢને મહારાજા વીજળી પાસી તરીકે, અકબરગંજને મા અહોર્વ ભવાની ધામ તરીકે, વજીરગંજ હોલ્ટને અમર શહીદ ભાલે સુલતાન તરીકે અને ફુરસતગંજને તપેશ્વરનાથ ધામ તરીકે ઓળખવામાં આવશે.

   પૂર્વ કેન્દ્રીય મંત્રી સ્મૃતિ ઈરાનીએ રેલવે મંત્રીને પત્ર મોકલીને આ સ્ટેશનોના નામ બદલવાની વિનંતી કરી હતી. મંગળવારે ચીફ કોમર્શિયલ મેનેજર હરિ મોહને સ્ટેશનોના નામ બદલવા સંબંધિત આદેશ જારી કર્યો છે.

  સપા પ્રમુખ અખિલેશ યાદવે સ્ટેશનોના નામ બદલવાના રેલવે બોર્ડના આદેશ પર ઝાટકણી કાઢી છે. એક્સ પર, તેમણે લખ્યું કે ભાજપ સરકારને વિનંતી છે કે માત્ર નામો જ નહીં પરંતુ રેલવે સ્ટેશનોની સ્થિતિ પણ બદલવામાં આવે. જ્યારે તમને નામ બદલવાથી ખાલી સમય મળે, તો થોડો સમય ફાળવો અને રેકોર્ડ બનાવતી વખતે રેલ્વે અકસ્માતોને રોકવા વિશે વિચારો.