<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Wednesday, 28th August 2024

X / વિશ્વભરમાં ટ્વિટર પ્લેટફોર્મ ડાઉન: હજારો યુઝર્સ પરેશાન, ભારતમાં પણ અસર, ફરિયાદ કરાતા જ એક્શન

મુંબઇઃઆજે સવારે એલન મસ્કનું માઇક્રોબ્લોગિંગ પ્લેટફોર્મ X (Twitter) વિશ્વભરમાં ઠપ્પ પડી ગયું. ભારત સહિત વિશ્વના મોટાભાગના દેશોમાં લોકોને X આઉટેજનો સામનો કરવો પડ્યો.માઇક્રોબ્લોગિંગ પ્લેટફોર્મ X (Twitter) બુધવાર (28 ઓગસ્ટ 2024) ના રોજ વિશ્વભરના ઘણા યુઝર્સ માટે ડાઉન થઈ ગયું. અબજોપતિ ઉદ્યોગપતિ અને ટેસ્લાના સીઈઓ એલન મસ્કની માલિકીની Xની સેવાઓ થોડા સમય માટે સંપૂર્ણ રીતે ઠપ્પ થઈ ગઈ. જણાવી દઈએ કે ટ્વિટરમાં થોડી મિનિટો માટે આ ખામી સર્જાઈ હતી અને તેના કારણે સાઈટ પરના પેજ લોડ થઈ રહ્યા ન હતા. યુઝર્સને સ્ક્રીન પર એક મેસેજ દેખાતો હતો, "something went wrong, try reloading".લોકપ્રિય માઇક્રોબ્લોગિંગ પ્લેટફોર્મ X એટલે કે ટ્વિટર ફરી એકવાર વૈશ્વિક આઉટેજનો શિકાર બન્યું છે. આજે સવારે 9 વાગ્યાની આસપાસ, X ની મોટાભાગની સેવાઓ અચાનક બંધ થઈ ગઈ હતી, જેના કારણે યુઝર્સને એપ્લિકેશનને ઍક્સેસ કરવામાં સમસ્યા ઊભી થઈ હતી. ભારત સહિત વિશ્વના મોટાભાગના દેશોમાં લોકોએ એક્સ આઉટેજનો સામનો કર્યો હતો. હાલમાં, કંપની દ્વારા આ આઉટેજ અંગે કોઈ માહિતી શેર કરવામાં આવી નથી.

DownDetector માં નોંધાઈ ફરિયાદઘણા ઈન્ટરનેટ યુઝર્સે X સર્વિસ સસ્પેન્ડ થવાની અને એપને એક્સેસ ન કરી શકવાની ફરિયાદ કરી છે. બીજી તરફ, આઉટેજને ટ્રેક કરતી વેબસાઈટ ડાઉન ડિટેક્ટરે પણ એક્સના આઉટેજને ટ્રેક કર્યા છે. સવારે 9 વાગ્યાના સુમારે ડાઉન ડિટેક્ટરમાં 1200થી વધુ લોકો દ્વારા રિપોર્ટ નોંધવામાં આવ્યો છે.પહેલા પણ ઘણી વખત થયું આઉટેજનો શિકાર

જણાવી દઈએ કે આ પહેલીવાર નથી જ્યારે માઇક્રોબ્લોગિંગ પ્લેટફોર્મ વૈશ્વિક આઉટેજનો શિકાર બન્યું હોય. અગાઉ ઓગસ્ટ મહિનામાં જ X સર્વિસ થોડા સમય માટે ડાઉન હતી. ગ્લોબલ આઉટેજ પછી, યુઝર્સ એપ્લિકેશન પર તેમની પોસ્ટ્સ ઍક્સેસ કરી શકતા ન હતા. બીજી તરફ, આઉટેજના સમાચાર આવતાની સાથે જ X ને લગતા મીમ્સ પણ સોશિયલ મીડિયા પર શેર થવા લાગ્યા.ગ્લોબલ આઉટેજ દરમિયાન, જ્યારે ઇન્ટરનેટ યુઝર્સ એક્સ એક્સેસ કરી રહ્યા હતા, ત્યારે તેમને Something Went wrong અને Try Reloadingનો મેસેજ આપવામાં આવ્યો હતો. જણાવી દઈએ કે X ની સર્વિસિસ અમુક સમય માટે ચોક્કસપણે ઠપ્પ થઈ ગઈ હતી પરંતુ જ્યારે અમે એપ એક્સેસ કરી તો એપ પહેલાની જેમ કામ કરવા લાગી. ઉલ્લેખનીય છે કે એલન મસ્કે વર્ષ 2022માં Xને $44 બિલિયનમાં ખરીદી હતી. X ના માલિક બન્યા પછી, તેણે પ્લેટફોર્મમાં ઘણા મોટા ફેરફારો કર્યા. જેમાંથી એક મોટો ફેરફાર હતો ટ્વિટરનું નામ બદલવાનો.

(2:53 PM IST)