<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Wednesday, 28th August 2024

ચૂંટણીને હવે ગણતરીના દિવસો જ બાકી રહ્યા છે ત્યારે ફરી કાશ્મીરના કુપવાડામાં સુરક્ષાદળો અને આતંકીઓ વચ્ચે અથડામણ ચાલુ : આતંકીઓએ LoC નજીક ખુશાલ ચોકી પાસે ઘૂસણખોરીનો પ્રયાસ કર્યો

જમ્મુ-કાશ્મીરમાં 9 જૂને રિયાસી હુમલા બાદથી આતંકવાદી ઘટનાઓમાં વધારો થયો

શ્રીનગર : ઉત્તર કાશ્મીરમાં કુપવાડા એન્કાઉન્ટર હેઠળ નિયંત્રણ રેખા પર ખુશાલ ચોકી પાસે આતંકવાદીઓ દ્વારા ઘૂસણખોરીનો પ્રયાસ કરવામાં આવ્યો છે. એવી માહિતી છે કે કુપવાડામાં ઘૂસણખોરો અને સેનાના જવાનો વચ્ચે એન્કાઉન્ટર ચાલી રહ્યું છે.

ઉલ્લેખનીય છે કે જમ્મુ-કાશ્મીરમાં લગભગ એક મહિના પછી વિધાનસભાની ચૂંટણી છે. આવી સ્થિતિમાં આતંકીઓએ ફરી એકવાર પોતાની નાપાક હરકતો શરૂ કરી દીધી છે. એન્કાઉન્ટર લખાય છે ત્યાં સુધી સેના અને આતંકીઓ વચ્ચે અથડામણ ચાલી રહી છે.

જમ્મુ-કાશ્મીરમાં 9 જૂને રિયાસી હુમલા બાદથી આતંકવાદી ઘટનાઓમાં વધારો થયો છે. તે દરમિયાન આતંકીઓએ શિવખોડી તરફથી આવી રહેલી બસને નિશાન બનાવી હતી. આ આતંકવાદી ઘટનામાં 9 શ્રદ્ધાળુઓએ જીવ ગુમાવ્યો હતો, જ્યારે 41 શ્રદ્ધાળુઓ ઘાયલ થયા હતા. 11 જૂનના રોજ આતંકવાદીઓએ જમ્મુ વિભાગના કઠુઆ હેઠળના એક ગામમાં હુમલો કર્યો હતો.

જો કે આ એન્કાઉન્ટરમાં સેનાના જવાનોએ બે આતંકીઓને ઠાર કર્યા હતા. આ આતંકવાદી હુમલાઓ પછી, તાત્કાલિક અસરથી, સુરક્ષા દળો અને જમ્મુ-કાશ્મીર પોલીસે જમ્મુ-કાશ્મીરમાં ગાઢ જંગલો અને પર્વતોમાં સર્ચ ઓપરેશન શરૂ કર્યું.

(11:28 PM IST)