<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Saturday, 7th September 2024

૨૦ નહીં પણ ૬ મહિનામાં થશે TBની સફળ સારવાર : ૪ નવી દવાઓને મંજૂરી

દેશમાં લગભગ ૭૫,૦૦૦ ડ્રગ-રેઝિસ્‍ટન્‍ટ (MDR) ટીબીના દર્દીઓ માટે સારા સમાચાર

નવી દિલ્‍હી, તા.૭: દેશમાં લગભગ ૭૫,૦૦૦ ડ્રગ-રેઝિસ્‍ટન્‍ટ (MDR) ટીબીના દર્દીઓ માટે સારા સમાચાર છે. કેન્‍દ્રીય આરોગ્‍ય મંત્રાલયે નવી સારવાર, BPALM રેજીમેનને શરૂ કરવાની મંજૂરી આપી છે, જે દર્દીઓને ૨૦ મહિનાની સારવારને બદલે માત્ર છ મહિનામાં રોગમાંથી રાહત મેળવવામાં મદદ કરી શકે છે. તેની સફળતાનો દર પણ વધુ છે અને સારવારનો ખર્ચ પણ ઓછો છે.

MDR TB માટે નવી સારવાર મંજૂરઃ BPALM પદ્ધતિમાં બેડાક્‍વિલિન અને લાઇનઝોલિડ (મોક્‍સીફ્‌લોક્‍સાસીન સાથે/વિના) સાથે સંયોજનમાં પ્રીટોમેનિડ નામની નવી એન્‍ટિ-ટીબી દવાનો સમાવેશ થાય છે. સેન્‍ટ્રલ ડ્રગ્‍સ સ્‍ટાન્‍ડર્ડ કંટ્રોલ ઓર્ગેનાઈઝેશન (CDSCO) દ્વારા પ્રીટોમેનિડને અગાઉ ભારતમાં ઉપયોગ માટે મંજૂર અને લાઇસન્‍સ આપવામાં આવ્‍યું છે.

દેશના ૭૫,૦૦૦ ડ્રગ-રેઝિસ્‍ટન્‍ટ ટીબીના દર્દીઓ આ દવાનો લાભ લઈ શકશે. હવે તેમની સારવારમાં સમય અને પૈસાની પણ બચત થશે. BPaLM માં બેડાક્‍વિલિન, પ્રીટોમેનિડ, લાઇનઝોલિડ અને મોક્‍સિફ્‌લોક્‍સાસીન નામની ચાર દવાઓનો સમાવેશ થાય છે. આ દવા અગાઉની MDR-TB સારવાર પદ્ધતિઓ કરતાં સલામત, વધુ અસરકારક અને ઝડપી છે.

MDR-TB શું છે?

એમડીઆર-ટીબીને ટીબીનો એક પ્રકાર ગણવામાં આવે છે. બેક્‍ટેરિયા ટીબી વિરોધી બે સૌથી શક્‍તિશાળી દવાઓ, આઇસોનિયાઝિડ અને રિફામ્‍પિસિન સામે પ્રતિરોધક રહે છે. એમડીઆર-ટીબીથી પીડિત દર્દીઓની સારવાર કરવી સરળ નથી. પીડિતોના શરીરમાં આ દવાઓ સામે પ્રતિકારક શક્‍તિ વધે છે. તેની સારવારના વિકલ્‍પો મર્યાદિત છે. આવી સ્‍થિતિમાં પીડિત પરિવારે વધુ ખર્ચ ઉઠાવવો પડે છે

(3:36 PM IST)