<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Tuesday, 10th September 2024

ઠાકરેની તુલનામાં શિંદેનો હાથ ઉપર...સર્વેના ચોંકાવનારા આંકડા

ઠાકરેને વિધાનસભામાં ૨૬-૩૧ બેઠકો જીતવાની આગાહીઃ ભાજપને રાજયમાં ૨૬.૨ ટકા વોટ શેર સાથે ૮૩ થી ૯૩ બેઠકો પર જીત મળવાનો અંદાજ : એકનાથ શિંદેની શિવસેનાને ૧૬.૮ ટકા વોટ શેર સાથે ૪૨-૫૨ બેઠકો જીતવાનો અંદાજ

 મુંબઈ,તા. ૧૦: રાજયમાં વિધાનસભાની ચૂંટણીને હવે માત્ર બે મહિના બાકી છે. સંખ્‍યાબંધ ઓપિનિયન પોલના તારણો પહેલાથી જ બહાર આવ્‍યા છે. આ ઓપિનિયન પોલ રાજકીય નેતાઓની ઉંઘ ઉડાડી રહ્યા છે. તો તાજેતરના ઓપનિયન પોલ મુજબ વિધાનસભામાં કઈ પાર્ટીને કેટલી બેઠકો મળશે? મહારાષ્ટ્રમાં મોટો ભાઈ કોણ હશે? અને કયા પક્ષને આંચકો લાગશે?

રાજયની વિધાનસભા ચૂંટણી (મહારાષ્ટ્ર વિધાનસભા ચૂંટણી) માટે માત્ર બે મહિના બાકી છે.

આ સર્વે અનુસાર વિધાનસભા ચૂંટણીમાં ઠાકરેની શિવસેનાને મોટો ફટકો પડશે. કારણ કે ઠાકરેને વિધાનસભામાં ૨૬-૩૧ બેઠકો જીતવાની આગાહી કરવામાં આવી છે. ઠાકરેની શિવસેના યુબીટીને ૧૪.૨ ટકા વોટ શેર મળવાનો અંદાજ છે. સર્વે મુજબ ઠાકરેની સરખામણીમાં શિંદેની શિવસેનાના પ્રદર્શન પર નજર કરીએ તો વિધાનસભામાં ૪૨-૫૨ બેઠકો જીતવાની આગાહી કરવામાં આવી છે. તેથી શિંદેને ૧૬.૮ ટકા વોટ શેર મળવાનો અંદાજ છે. તેથી, સર્વે અનુસાર, ઠાકરેની તુલનામાં શિંદેનો હાથ ઉપર છે.

ભાજપને રાજયમાં ૨૬.૨ ટકા વોટ શેર સાથે ૮૩ થી ૯૩ બેઠકો પર જીત મળવાનો અંદાજ છે. તેથી, ટાઈમ્‍સ નાઉ મેટ્રિક્‍સ ના ઓપનિયન પોલ અનુસાર, મહારાષ્ટ્રમાં વિધાનસભામાં ભાજપ મોટા ભાઈ તરીકે જોવામાં આવે છે. લોકસભામાં કોંગ્રેસ મહારાષ્ટ્રમાં મોટો ભાઈ બની ગયો હતો. હવે વિધાનસભામાં આ ચિત્ર બદલાય તેવી શક્‍યતા છે. ભાજપની ઘટક પાર્ટી એકનાથ શિંદેની શિવસેનાને ૧૬.૮ ટકા વોટ શેર સાથે ૪૨-૫૨ બેઠકો જીતવાનો અંદાજ છે. તે પછી, અજિત પવારની NCP ઓપિનિયન પોલમાં ૨.૮ ટકા વોટ શેર સાથે ૦૭-૧૨ બેઠકો જીતવાની આગાહી છે.

આમ રાજયમાં કુલ ૨૮૮ વિધાનસભા બેઠકો છે. બહુમત માટે ૧૪૫ જરૂરી છે. તેથી, ઓપિનિયન પોલ અનુસાર, મહાયુતિને વિધાનસભામાં ૧૩૭-૧૫૨ બેઠકો મળવાની ધારણા છે. જયારે મહાવિકાસ આઘાડીને ૧૨૯-૧૪૪ બેઠકો મળવાની સંભાવના છે. (૨૨.૪)

મહારાષ્ટ્રમાં કઈ પાર્ટીને કેટલી સીટો મળશે?

પાર્ટી            સીટો

ભાજપ          ૮૩-૯૩

શિવસેના        ૪૨-૫૨

(એકનાથ શિંદે)

NCP            ૦૭-૧૨

 (અજિત પવાર)

કોંગ્રેસ           ૫૮-૬૮

શિવસેના (UBT)        ૨૬-૩૧

NCP (શરદ પવાર)      ૩૫-૪૫

અન્‍ય   ૦૩-૦૮

(9:34 AM IST)