News of Tuesday, 10th September 2024
જમ્મુ-કાશ્મીરની ચૂંટણીમાં પ્રચાર માટે એન્જિનિયર રાશિદને વચગાળાના જામીન મળ્યા
દિલ્હી કોર્ટે બારામુલાના સાંસદ એન્જિનિયર રાશિદને જમ્મુ અને કાશ્મીર વિધાનસભા ચૂંટણીમાં પ્રચાર કરવા માટે વચગાળાના જામીન મંજૂર કર્યા

નવી દિલ્હી :દિલ્હી કોર્ટે મંગળવારે બારામુલાના સાંસદ એન્જિનિયર રાશિદને આગામી જમ્મુ અને કાશ્મીર વિધાનસભા ચૂંટણીમાં પ્રચાર કરવા માટે વચગાળાના જામીન મંજૂર કર્યા છે.
પટિયાલા હાઉસ કોર્ટના એડિશનલ સેશન જજ ચંદર જીત સિંહે રશીદને 02 ઓક્ટોબર સુધી વચગાળાના જામીન આપ્યા છે
. રશીદે 2024ની લોકસભા ચૂંટણીમાં જમ્મુ-કાશ્મીરના પૂર્વ મુખ્યમંત્રી ઓમર અબ્દુલ્લાને હરાવ્યા હતા. તેઓ બારામુલ્લા લોકસભા સીટ પરથી બે લાખથી વધુ મતોના માર્જીનથી જીત્યા હતા.
પંજાબ અને હરિયાણા હાઈકોર્ટ રાશિદ 2019થી જેલમાં છે. NIAએ તેના પર કથિત ટેરર ફંડિંગ કેસમાં ગેરકાનૂની પ્રવૃત્તિઓ (પ્રિવેન્શન) એક્ટ (UAPA એક્ટ) હેઠળ આરોપ મૂક્યો છે. હાલ તે તિહાર જેલમાં બંધ છે. અગાઉ, કોર્ટે રાશિદને સંસદના સભ્ય તરીકે શપથ લેવાની મંજૂરી આપવા માટે કસ્ટોડિયલ પેરોલ મંજૂર કર્યો હતો.
જમ્મુ-કાશ્મીરમાં 18 સપ્ટેમ્બરથી 1 ઓક્ટોબર સુધી વિધાનસભાની ચૂંટણી યોજાવાની છે. આ ત્રણ તબક્કામાં હાથ ધરવામાં આવશે. પરિણામ 08 ઓક્ટોબરે જાહેર કરવામાં આવશે.
(11:39 PM IST)









છેલ્લા 8 દિવસમાં સૌથી લોકપ્રિય 
