નવી દિલ્‍હી, તા.૧૯: PL કેપિટલ-પ્રભુદાસ લીલાધરના એક અહેવાલ મુજબ, ૨૦૨૪-૨૫ના બજેટમાં સોના પરની આયાત ડ્‍યૂટી ૧૫ ટકાથી ઘટાડીને ૬ ટકા કરવાથી લગ્નો પરના મોટા ખર્ચને વેગ મળશે. ખાસ કરીને સોનાની ખરીદીમાં જોરદાર વધારો જોવા મળી શકે છે.

દેશમાં આ વર્ષે નવેમ્‍બરથી ડિસેમ્‍બરના મધ્‍ય સુધી એટલે કે દોઢ મહિનામાં ૩૫ લાખ લગ્નો થશે, જેના પર ૪.૨૫ લાખ કરોડ રૂપિયા ખર્ચ થવાનો અંદાજ છે. એક વર્ષ પહેલા સમાન સમયગાળામાં ૩૨ લાખ લગ્ન થયા હતા.

PL કેપિટલ-પ્રભુદાસ લીલાધરના એક અહેવાલ મુજબ, ૨૦૨૪-૨૫ના બજેટમાં સોના પરની આયાત ડ્‍યૂટી ૧૫ ટકાથી ઘટાડીને ૬ ટકા કરવાથી લગ્નો પરના મોટા ખર્ચને વેગ મળશે. ખાસ કરીને સોનાની ખરીદીમાં જોરદાર વધારો જોવા મળી શકે છે. ૧૫ જાન્‍યુઆરીથી ૧૫ જુલાઈની વચ્‍ચે દેશમાં ૪૨ લાખથી વધુ લગ્નો પર ૫.૫ લાખ કરોડ રૂપિયાનો ખર્ચ કરવામાં આવ્‍યો હતો.

રિપોર્ટ અનુસાર લગ્નોના મામલે ભારત વિશ્વનું બીજું સૌથી મોટું માર્કેટ છે. દેશમાં દર વર્ષે લગભગ એક કરોડ લગ્નો થાય છે.

ધ ઈકોનોમિસ્‍ટને ટાંકીને અહેવાલમાં જણાવાયું છે કે આ ક્ષેત્ર ભારતનો ચોથો સૌથી મોટો ઉદ્યોગ છે, જે લાખો નોકરીઓ પ્રદાન કરે છે.

દર વર્ષે દેશમાં લગ્નો પરનો ખર્ચ વધીને ૧૩૦ અબજ ડોલર (રૂ. ૧૦.૮૮ લાખ કરોડ) થયો છે.

સરકાર દેશમાં ૨૫ લગ્ન સ્‍થળો વિકસાવી રહી છે.

સરકાર આંતરરાષ્‍ટ્રીય લગ્નો માટે ભારતને ટોચની પસંદગી તરીકે પ્રમોટ કરીને પ્રવાસનને વેગ આપવાનું આયોજન કરી રહી છે. આ પહેલ હેઠળ, દેશભરમાં લગભગ ૨૫ મુખ્‍ય સ્‍થળોને લગ્ન સ્‍થળ તરીકે વિકસાવવામાં આવી રહ્યા છે. મેક ઈન ઈન્‍ડિયા ઝુંબેશની સફળતાના આધારે, આ પહેલનો હેતુ અંદાજે $૧૨.૧ બિલિયન (રૂ.૧ લાખ કરોડ) ફોરેક્‍સનો ઉપયોગ કરવાનો છે જે હાલમાં વિદેશમાં ગંતવ્‍ય લગ્નો પર ખર્ચવામાં આવે છે