તા. ૨૧ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૨ શનિવાર
News of Friday, 20th September 2024
આ વ્યક્તિ છે આઇફોનનો દીવાનો : છેલ્લી વાર ૧૭ કલાક કતારમાં ઊભો રહ્યો : આ વખતે ૨૧ કલાક
iPhone 16નો ક્રેઝ એટલો બધો છે કે ગુજરાતના અમદાવાદથી મુંબઇ પહોંચેલ એક વ્યક્તિ મુંબઇમાં Apple સ્ટોરની બહાર ૨૧ કલાક સુધી ઉભો રહ્યો

મુંબઇ તા. ૨૦ : iPhoneની નવી સિરીઝ લોન્ચ થવા પર લોકો iPhone વિશે કેટલા ક્રેઝી છે તેની ઝલક તમે મેળવી શકો છો. આવું જ એક દ્રશ્ય શુક્રવારે મુંબઈના બીકેસીમાં એપલ સ્ટોરની બહાર જોવા મળ્યું, જયાં લોકોની લાંબી કતારો ઉભી હતી. ખરેખર, ભારતમાં iPhone 16નું વેચાણ આજથી શરૂ થઈ રહ્યું છે અને લોકો તેને ખરીદવા માટે મુંબઈના આ સ્ટોરની બહાર કલાકો સુધી કતારમાં ઉભા છે
iPhone 16નો ક્રેઝ એટલો બધો છે કે અમદાવાદથી મુંબઈ પહોંચેલ એક વ્યક્તિ છેલ્લા ૨૧ કલાકથી સ્ટોરની બહાર ઉભો હતો. અહીં લાઈન એટલી લાંબી છે કે ભીડને કાબૂમાં લેવા માટે ગાર્ડને ભારે જહેમત ઉઠાવવી પડી રહી છે. તે વહેલી સવારે એપલ સ્ટોર તરફ દોડતો જોવા મળ્યો હતો અને કતારમાં ધક્કો મારતો પણ જોવા મળ્યો હતો.
આઈફોન ૧૬ ખરીદવા અમદાવાદથી મુંબઈ પહોંચેલા ઉજ્જવલ શાહે કહ્યું, ‘હું ૨૧ કલાકથી કતારમાં ઊભો છું. ગઈકાલે સવારે ૧૧ વાગ્યે સ્ટોર ખુલ્યો ત્યારથી હું અહીં છું. તે પછી આજે હું ૮ વાગ્યે સ્ટોરમાં પ્રવેશનાર પ્રથમ વ્યક્તિ બનીશ. હું આજે જેટલો ઉત્સાહિત છું તેટલો iPhone 16 ખરીદવા માટે હું ક્યારેય નહોતો.'
નવા iPhone 16ની વિશેષતાઓનું વર્ણન કરતાં ઉજ્જવલે કહ્યું કે તેનું નવું કેમેરા બટન શાનદાર છે. આ સિવાય સ્ક્રીન મોટી છે અને ઝડપી વાયરલેસ ચાર્જર છે. Apple Intelligence IOC 16.1 સાથે આવશે. હું આ બધી બાબતોને લઈને ખૂબ જ ઉત્સાહિત છું.
મુંબઈ આવવા વિશે ઉજ્જવલ કહે છે કે મુંબઈનું વાતાવરણ સાવ અલગ છે, ફોનનો એક્સાઈટમેન્ટ એક છે, સ્ટોરનો એક્સાઈટમેન્ટ અલગ છે, એમાં ઘણી મજા છે. ગયા વર્ષે મેં ૧૭ કલાક રાહ જોઈ, આ વખતે મેં ૨૧ કલાક રાહ જોઈ, જેથી કોઈ મને હરાવી ન શકે.
(10:12 AM IST)









છેલ્લા 8 દિવસમાં સૌથી લોકપ્રિય 
