તા. ૨૧ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૨ શનિવાર
News of Friday, 20th September 2024
તિરુપતિ પ્રસાદ બાદ સાધુ સંતો ભારે નારાજ :આપ્યો ચોંકાવનારો જવાબ:કેન્દ્ર સરકાર પાસે કરી મોટી માંગ
ગૌરીગંજ અમેઠીના પરમહંસ આશ્રમના વડા શિવ યોગી મૌની મહારાજે કહ્યું છે કે આ કૃત્ય સનાતન ધર્મને નબળો પાડવાનું મોટું ષડયંત્ર : કરોડો હિન્દુઓની આસ્થા પર હુમલો

પ્રયાગરાજ. તિરુપતિ બાલાજી મંદિરમાં પ્રસાદ તરીકે અપાતા લાડુમાં ચરબી અને માછલીનું તેલ ભેળવવા પર ઋષિ-મુનિઓએ ભારે નારાજગી વ્યક્ત કરી છે. સંતોએ કેન્દ્ર સરકાર પાસે આ મામલે હસ્તક્ષેપ કરીને દોષિતોને ફાંસીની સજા આપવાની માંગ કરી છે. ગૌરીગંજ અમેઠીના પરમહંસ આશ્રમના વડા શિવ યોગી મૌની મહારાજે કહ્યું છે કે આ કૃત્ય સનાતન ધર્મને નબળો પાડવાનું મોટું ષડયંત્ર છે. તેમણે કહ્યું છે કે આ ષડયંત્રમાં વિદેશી દળો પણ સામેલ હોવાની શક્યતાને નકારી શકાય તેમ નથી. આ કરોડો હિન્દુઓની આસ્થા પર હુમલો છે.
મૌની મહારાજે કહ્યું છે કે કેન્દ્ર સરકારે આ મામલે હસ્તક્ષેપ કરવો જોઈએ. આ મામલામાં દોષિતો સામે કડક કાર્યવાહી થવી જોઈએ. તેમને પાઠ ભણાવવા માટે ફાંસીની સજા આપવી જોઈએ, જેથી હિંદુઓની આસ્થા સાથે રમત કરનારાઓને પાઠ ભણાવી શકાય. તેમણે કહ્યું છે કે આ ઘટસ્ફોટથી દેશભરના સંતો અને મહાત્માઓ દુખી છે.
ઉલ્લેખનીય છે કે આંધ્રપ્રદેશમાં તિરુપતિ મંદિરના પ્રસાદમાં ભેળસેળનો મામલો સામે આવ્યો છે. એવું સામે આવ્યું છે કે મંદિરમાં મળતા પ્રસાદ (લાડુ)માં જાનવરોની ચરબી હોય છે. આ સમાચાર બાદ સમગ્ર દેશમાં હોબાળો મચી ગયો હતો. નવાઈની વાત એ છે કે આ લાડુઓ માત્ર ભક્તોમાં પ્રસાદ તરીકે વહેંચવામાં આવતા ન હતા પરંતુ આ લાડુઓ ભગવાનને પણ પ્રસાદ તરીકે અર્પણ કરવામાં આવ્યા હતા. આ મામલો સીધો કરોડો ભક્તોની આસ્થા સાથે જોડાયેલો છે. જે બાદ આ મામલામાં નેતાઓ બાદ હવે ઘણા મોટા ઋષિ-મુનિઓના પણ નિવેદનો સામે આવી રહ્યા છે જેઓ આરોપીઓને ફાંસી આપવાની માંગ કરી રહ્યા છે.
(8:45 PM IST)









છેલ્લા 8 દિવસમાં સૌથી લોકપ્રિય 
