રિયા સિંઘાએ જીત્યો મિસ ઇન્ડિયા યુનિવર્સ ઇન્ડિયા ૨૦૨૪નો ખિતાબ : ઉર્વશીએ પહેરાવ્યો તાજ
હવે વિશ્વ સ્તરે મિસ યુનિવર્સમાં ભારતનું પ્રતિનિધિત્વ કરશે :મૂળ ગુજરાતની રહીશ છે રિયા
નવી દિલ્હી, તા.૨૩: દેશની દીકરી રિયા સિંઘાએ ભારતને ગૌરવ અપાવ્યું છે. રાજસ્થાનના જયપુરમાં આયોજિત સ્પર્ધામાં રિયા સિંઘાએ મિસ યુનિવર્સ ઈન્ડિયા ૨૦૨૪નો ખિતાબ જીત્યો છે. ફરી એકવાર ભારતની સુંદરીએ આ તાજ પોતાના માથા પર શણગાર્યો છે. આ જીત બાદ રિયા અને સમગ્ર દેશનો ચહેરો ખીલી ઉઠ્યો છે. રવિવાર, ૨૨ સપ્ટેમ્બરના રોજ જયપુરમાં આયોજિત આ કાર્યક્રમમાં ઉર્વશી રૌતેલા દ્વારા રિયાને તાજ પહેરાવવામાં આવ્યો હતો. મિસ યુનિવર્સ ઈન્ડિયાનો તાજ જીત્યા બાદ રિયા હવે મિસ યુનિવર્સ ૨૦૨૪ સ્પર્ધામાં આંતરરાષ્ટ્રીય સ્તરે ભારતનું પ્રતિનિધિત્વ કરશે.રિયા સિંઘાએ પણ મિસ યુનિવર્સનો તાજ પહેર્યા બાદ ખુશી વ્યક્ત કરી છે. સાથે વાત કરતાં તેણે કહ્યું કે આજે તેણે મિસ યુનિવર્સ ઈન્ડિયા ૨૦૨૪નો ખિતાબ જીત્યો છે.
આ માટે તે ખૂબ જ આભારી છે. રિયાએ વધુમાં કહ્યું કે તેણે આ સ્થાન સુધી પહોંચવા માટે ઘણી મહેનત કરી છે. એટલું જ નહીં, રિયાએ એમ પણ કહ્યું કે તે પોતાને આ તાજ માટે લાયક માની શકે છે. તે અગાઉના વિજેતાઓથી ખૂબ જ પ્રેરિત છે.
રિયા સિંઘાએ મિસ યુનિવર્સ ઇન્ડિયા જીત્યા પછી, ઉર્વશી રૌતેલાએ તેને તાજ અપાવ્યો. ઉર્વશી રૌતેલાએ ૧૦ વર્ષ પહેલા આ તાજ જીત્યો હતો. તે ૨૦૧૫માં મિસ યુનિવર્સ ઈન્ડિયા બની હતી. આવી સ્થિતિમાં, અભિનેત્રી આ ઇવેન્ટમાં જજ તરીકે પહોંચી હતી અને રિયા જીત્યા પછી, તેણે આ તાજ પોતાના હાથથી રિયાના માથા પર શણગાર્યો હતો. આ દરમિયાન અભિનેત્રી ઘણી ખુશ દેખાઈ હતી. મીડિયા સાથે વાત કરતી વખતે તેણે રિયાને પ્રોત્સાહિત પણ કર્યું અને કહ્યું કે તે પણ એવું જ અનુભવી રહી છે જેવી બધી છોકરીઓ અનુભવી રહી છે. તેમણે આશા વ્યક્ત કરી હતી કે આ વર્ષે મિસ યુનિવર્સનો તાજ ફરીથી ભારત આવશે. તેણે અન્ય તમામ સ્પર્ધકોની મહેનતની પણ પ્રશંસા કરી.
જો કે, હવે જો આપણે મિસ યુનિવર્સ ઈન્ડિયા ૨૦૨૪નો તાજ જીતનાર રિયા સિંઘાની વાત કરીએ તો તે ગુજરાતની રહેવાસી છે અને એક શાનદાર મોડલ પણ છે. તે સોશિયલ મીડિયા પર ખૂબ જ એક્ટિવ છે અને ઈન્સ્ટાગ્રામ પર તેના ૪૦ હજારથી વધુ ફોલોઅર્સ છે. તે તસવીરોમાં તેની બોલ્ડનેસ અને સુંદરતાને કારણે ચર્ચામાં રહે છે. ચાહકો તેને ખૂબ પસંદ કરે છે.(
(11:26 AM IST)
છેલ્લા 8 દિવસમાં સૌથી લોકપ્રિય 
