છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
યુએસ કોંગ્રેસમાં બહુમતીનું ગણિત 9:53 AM
શેરબજારે ઇતિહાસ રચ્યો : સેન્સેકસ ૮૫૦૦૦ ઉપર
નીફટી પણ ઓલટાઇમ હાઇ
નવી દિલ્હી, તા.૨૪: ભારતીય શેરબજારે આજે નવો ઈતિહાસ રચ્યો છે. શરૂઆતના ઘટાડાથી રિકવર થઈને સેન્સેક્સ અને નિફ્ટી બંને નવા રેકોર્ડ હાઈએ પહોંચ્યા છે, આજે સેન્સેક્સ ઈન્ડેક્સ પ્રથમ વખત ૮૫,૦૦૦ની સપાટીને પાર કરી ગયો છે. આ એક મોટી સિદ્ધિ છે. નિફ્ટી ૫૦ ઈન્ડેક્સે પણ આજે તેની નવી રેકોર્ડ સપાટી હાંસલ કરી છે. નિફ્ટી ૨૬,૦૦૦ પોઈન્ટની નજીક પહોંચી ગયો છે.
અત્યાર સુધીના ટ્રેડિંગમાં સેન્સેક્સે ૮૫૧૦૧ની નવી ઓલ ટાઈમ હાઈ બનાવી છે અને નિફ્ટીએ ૨૫,૯૮૮ ની નવી ઓલ ટાઈમ હાઈ બનાવી છે.
જો કે બજાર ખુલતાની સાથે જ શેરબજારમાં છેલ્લા ત્રણ દિવસથી ચાલી રહેલો ઉછાળો થંભી ગયો હતો. આજે એટલે કે મંગળવાર, ૨૪ સપ્ટેમ્બરે સેન્સેક્સ અને નિફ્ટી બંને લાલ નિશાનમાં ખુલ્યા છે. પ્રી-ઓપનિંગ સેશનમાં સેન્સેક્સ ૬૭.૮૮ પોઈન્ટ (૦.૦૮૦%)ના ઘટાડા સાથે ૮૪,૮૬૦.૭૩ ના સ્તરે ખુલ્યો હતો. તે જ સમયે, નિફ્ટી ૧૭.૬૦ પોઈન્ટ (૦.૦૬૮%) ઘટીને ૨૫,૯૨૧.૪૫ ના સ્તરે ખુલ્યો હતો.
સેન્સેક્સમાં લિસ્ટેડ ૩૦ કંપનીઓમાં ઇન્ફોસિસ, બજાજ ફાઇનાન્સ, કોટક મહિન્દ્રા બેન્ક, એચસીએલ ટેકનોલોજીસ, ઇન્ડસઇન્ડ બેન્ક અને અલ્ટ્રાટેક સિમેન્ટ સૌથી વધુ ઘટયા હતા. ટાટા સ્ટીલ, પાવર ગ્રીડ કોર્પ, જેએસડબલ્યુ સ્ટીલ, એમએન્ડએમ, ટાટા મોટર્સ સેન્સેક્સ પર મુખ્ય નફો કરનારાઓમાં છે, જ્યારે એચયુએલ, અલ્ટ્રાટેક સિમેન્ટ, કોટક મહિન્દ્રા બેન્ક, નેસ્લે ઈન્ડિયા, ઈન્ડસઈન્ડ બેન્ક ખોટમાં છે. ક્ષેત્રોમાં, મેટલ ઇન્ડેક્સ લગભગ ૩ ટકા, ઓઇલ એન્ડ ગેસ અને પાવર ઇન્ડેક્સ દરેક ૧%, જ્યારે FMCG ઇન્ડેક્સ ૦.૫% નીચેછે
(3:21 PM IST)
