છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
હવે તિરુપતિ પ્રસાદના બોક્સમાંથી ગુટખાનું પેકેટ મળ્યું
મંદિરે ગયેલા ભકતનો મોટો દાવો
નવી દિલ્હી, તા.૨૪: તિરુપતિ મંદિરના પ્રસાદને લઈને હજુ પણ વિવાદ ચાલુ છે. જ્યારથી મુખ્યમંત્રી ચંદ્રબાબુ નાયડુએ દાવો કર્યો હતો કે પ્રસાદની ગુણવત્તા સાથે છેડછાડ કરવામાં આવી છે અને ઘીમાં પશુઓની ચરબી ભેળવવામાં આવી છે, ત્યારે હવે વધુ એક સમાચાર સામે આવ્યા છે. એક ભક્તે દાવો કર્યો છે કે જ્યારે તેણે તિરુપતિ પ્રસાદનું બોક્સ ખોલ્યું તો તેમાં ગુટખાનું પેકેટ જોયું.
વાસ્તવમાં, તેલુગુ વેબસાઈટ ‘સમયમ', ઈન્ડિયા ટુડે અને ડેક્કન ક્રોનિકલમાં એક અહેવાલ પ્રકાશિત થયો છે, જે મુજબ ૧૯ સપ્ટેમ્બરના રોજ તેલંગાણાના ખમ્મમ જિલ્લાની ડોન્ટુ પદ્માવતી નામની મહિલા તિરુપતિ મંદિરમાં ગઈ હતી. ત્યાં દર્શન કરીને પ્રસાદ લીધો હતો. હવે એવો દાવો કરવામાં આવ્યો છે કે જ્યારે પ્રસાદ બોક્સ ખોલવામાં આવ્યું ત્યારે તેમાં ગુટખાનું પેકેટ જોવા મળ્યું હતું. આ ઉપરાંત તે પ્રસાદમાં ગુટખાના કેટલાક નિશાન પણ મળી આવ્યા હતા. હવે આ જ પ્રસાદની ઘણી તસવીરો સોશિયલ મીડિયા પર વાયરલ થઈ રહી છે, લોકો અલગપ્રઅલગ રીતે કોમેન્ટ કરી રહ્યા છે.
જો કે, આ સમયે આ વિવાદ વધુ વધ્યો છે કારણ કે પ્રસાદની ગુણવત્તાને લઈને પહેલેથી જ હોબાળો ચાલી રહ્યો છે. તમારી જાણકારી માટે તમને જણાવી દઈએ કે આંધ્ર પ્રદેશના મુખ્યમંત્રી ચંદ્રબાબુ નાયડુએ એનડીએની બેઠકમાં કહ્યું હતું કે ઉપલબ્ધ તિરુમાલા લાડુ નબળી ગુણવત્તાના છે, તેઓ ઘીની જગ્યાએ પ્રાણીઓની ચરબીનો ઉપયોગ કરી રહ્યા છે. જ્યારથી ટીડીપીની સરકાર આવી છે ત્યારથી સમગ્ર પ્રક્રિયાને સાફ કરવામાં આવી છે અને લાડુની ગુણવત્તામાં સુધારો કરવામાં આવ્યો છે.
(3:29 PM IST)
