અફઘાનિસ્તાન: અફઘાનિસ્તાનમાં ઓગસ્ટમાં નવા નિયમો જારી કરવામાં આવ્યા હતા. પુરૂષો પર લાદવામાં આવેલા આ પ્રતિબંધોની સાથે સાથે મહિલાઓ પર પણ ઘણા નિયંત્રણો લાદવામાં આવ્યા છે.
અફઘાનિસ્તાનની તાલિબાન સરકારે એક નવું ફરમાન બહાર પાડ્યું છે. આ ફરમાન હેઠળ અહીં પુરૂષોની દાઢી કાપવા પર પ્રતિબંધ મુકવામાં આવ્યો છે. એટલું જ નહીં, હવે અફઘાનિસ્તાનમાં પુરુષો જીન્સ પહેરી શકશે નહીં.
ધ વોશિંગ્ટન પોસ્ટના અહેવાલ મુજબ અફઘાનિસ્તાનમાં નવા નિયમો ઓગસ્ટમાં જારી કરવામાં આવ્યા હતા. પુરૂષો પર લાદવામાં આવેલા આ પ્રતિબંધોની સાથે સાથે મહિલાઓ પર પણ ઘણા નિયંત્રણો લાદવામાં આવ્યા છે.
- તાલિબાન દ્વારા જારી કરવામાં આવેલા આદેશમાં કહેવામાં આવ્યું છે કે વેસ્ટર્ન હેરકટ અને ટૂંકી દાઢી પર પ્રતિબંધ મુકવામાં આવ્યો છે.
- દેખાવ, પહેરવેશ અને વર્તનમાં બિન-મુસ્લિમોનું અનુકરણ કરવું પ્રતિબંધિત છે.
- પુરૂષોને તેમની પત્નીઓ અને સ્ત્રી સંબંધીઓ સિવાય અન્ય મહિલાઓને જોવાની મનાઈ છે.
રિપોર્ટ અનુસાર, પુરુષો માટે રમઝાન દરમિયાન નમાઝમાં હાજરી અને રોજા રાખવાનું ફરજિયાત કરવામાં આવ્યું છે. તેમને બિન-ઈસ્લામિક પ્રવૃત્તિઓમાં ભાગ લેવા પર પણ પ્રતિબંધ મુકવામાં આવ્યો છે.
નવા કાયદા અનુસાર, આ નિયમોનું પાલન ન કરનારને પોલીસ ત્રણ દિવસ સુધી અટકાયતમાં રાખી શકે છે. જો આરોપો સાચા સાબિત થાય છે, તો ગુનેગારો સામે શરિયા કાયદા હેઠળ કાર્યવાહી કરવામાં આવશે, જેમાં દંડ અને જેલની સજાથી લઈને જાહેરમાં કોરડા મારવા અને પથ્થર મારવા સુધીની સજા છે. જો કોઈ સરકારી કર્મચારી આ નિયમોનું પાલન નહીં કરે તો તેને નોકરી ગુમાવવી પડી શકે છે.
અફઘાનિસ્તાનમાંથી વિદેશી સૈનિકોની હકાલપટ્ટી બાદ તાલિબાને કાબુલ પર કબજો કરી લીધો હતો. આ પછી, તાલિબાન સરકારે મહિલાઓના શિક્ષણ, કપડાં અને વ્યક્તિગત સ્વતંત્રતા પર ઘણા કડક નિયંત્રણો લાદી દીધા. આ પછી હવે પુરુષો પર આ નિયંત્રણો લાદવામાં આવ્યા છે.