નવી દિલ્‍હીઃ  કેન્‍દ્રીય માર્ગ પરિવહન મંત્રી નીતિન ગડકરીએ વડાપ્રધાન પદની ઓફરની ચર્ચાઓ મોટું નિવેદન આપ્‍યું છે. એક કાર્યક્રમમાં તેમણે કહ્યું કે, ઁહું કંઈક બનવા માટે રાજકારણમાં આવ્‍યો નથી. આજે હું દિલથી બોલી રહ્યો છું કે મને કોઈ સમસ્‍યા નથી. મારી કોઈ મહત્‍વાકાંક્ષા નથી. જો હું પીએમ પદ માટે ડિઝર્વ કરતો હોઈશ તો મને મળી જશે.

વડાપ્રધાન નરેન્‍દ્રભાઇ મોદી અને ગડકરીના રાષ્‍ટ્રીય સ્‍વયંસેવક સંઘ સાથેના સારા સંબંધોની વધતી ઉંમરને ધ્‍યાનમાં રાખીને, શું તમને મોદી પછી પ્રમોશન મળશે? આ મુદ્દે તેમણે કહ્યું કે, ઁહું ટીમનો સ્‍વયંસેવક છું. તમારે વડાપ્રધાન મોદીને જ સવાલ પૂછવો જોઈએ. પીએમ મોદી અને મારા ખૂબ સારા સંબંધો છે.

 નીતિન ગડકરી પાસે છેલ્લા દસ વર્ષથી કેન્‍દ્રીય માર્ગ પરિવહન મંત્રાલયની જવાબદારી છે. આ કાર્યક્રમમાં તેમને પૂછવામાં આવ્‍યું કે શું તમારા અનુભવ મુજબ વધુ મંત્રાલયો ન મળવા જોઈએ? આ અંગે તેમણે કહ્યું કે,  હું કયારેય કોઈની પાસે કંઈ માંગવા ગયો નથી. હું ૫ ટકા રાજકારણ અને ૯૫ ટકા સમાજ સેવામાં માનું છું. વિપક્ષ તરફથી વડાપ્રધાન પદની ઓફર આવી હતી. પરંતુ મેં વૈચારિક કારણોસર આ ઓફર નકારી કાઢી હતી. નાગપુરમાં એક કાર્યક્રમમાં ગડકરીએ આ વાત કહી હતી. તેમણે કહ્યું કે, ચોથી જૂને લોકસભા ચૂંટણીના પરિણામો જાહેર થયા હતા. મને વિપક્ષે વડાપ્રધાન પદનો પ્રસ્‍તાવ મૂકયો હતો. મારી વિચારધારા અલગ હોવાને કારણે આ પ્રસ્‍તાવ સ્‍વીકારવામાં આવ્‍યો ન હતો