ઈરાનથી હુમલાનો બદલો લેવા ઈઝરાયેલ ઈરાનની ઓઈલ સાઈટ્સને નિશાન બનાવી શકે છે. અમેરિકી રાષ્ટ્રપતિ જો બિડેને આનો સંકેત આપ્યો છે. વોશિંગ્ટનમાં મીડિયા સાથે વાત કરતા તેમણે કહ્યું કે અમે ઈરાની ઓઈલ સાઇટ્સ પર ઈઝરાયેલના સંભવિત હુમલા અંગે ચર્ચા કરી છે. તેમણે આ વાત એક સવાલના જવાબમાં કહી હતી જેમાં તેમને પૂછવામાં આવ્યું હતું કે શું તેઓ ઈરાનની ઓઈલ સાઇટ્સ પર ઈઝરાયેલના હુમલાનું સમર્થન કરે છે.