નવી દિલ્હી: દિલ્હી ડેવલપમેન્ટ ઓથોરિટી (ડીડીએ) ભારે સુરક્ષા વચ્ચે સદર બજાર વિસ્તારમાં ઇદગાહ પાર્કમાં ઝાંસીની રાણી લક્ષ્મીબાઇની પ્રતિમા સ્થાપિત કરવાની પ્રક્રિયામાં હોવાનું અધિકારીઓએ જણાવ્યું હતું.

તેમણે જણાવ્યું હતું કે બુધવારે ઝંડેવાલન વિસ્તારમાંથી ક્રેનનો ઉપયોગ કરીને પ્રતિમાને ઉપાડવામાં આવી હતી અને પાર્કમાં ખસેડવામાં આવી છે.

 "એમસીડીએ રાણી ઝાંસીની પ્રતિમાને ઇદગાહ પાર્કમાં શિફ્ટ કરવાનો નિર્ણય લીધો છે જેથી કરીને આ વિસ્તારને ભીડમુક્ત કરવા માટે જંકશનને સિગ્નલ ફ્રી બનાવી શકાય. એમસીડી દ્વારા બુધવારે પ્રતિમાને પાર્કમાં લાવવામાં આવી હતી અને ડીડીએ તેને સ્થાપિત કરવાની જવાબદારી સંભાળે છે તેમ ડીડીએના એક વરિષ્ઠ અધિકારીએ જણાવ્યું હતું.