નવી દિલ્‍હી, તા.૪: સુપ્રીમ કોર્ટે જૂની ટેક્‍સ સિસ્‍ટમ હેઠળ આવકવેરા વિભાગ દ્વારા જારી કરાયેલી ૯૦ હજાર ટેક્‍સ રિવેલ્‍યુએશન નોટિસને માન્‍ય ઠેરવી  છે. આ નિર્ણય એવા કરદાતાઓને આંચકો લાગ્‍યો છે જેમણે આ નોટિસને પડકારી હતી. મુખ્‍ય ન્‍યાયાધીશ ડીવાય ચંદ્રચુડની આગેવાની હેઠળની ત્રણ ન્‍યાયાધીશોની બેન્‍ચે વિવિધ ઉચ્‍ચ અદાલતોના આદેશોને ફગાવી દીધા હતા જેણે આ ટેક્‍સ નોટિસ પર સ્‍ટે મૂકયો હતો. ૧ એપ્રિલથી ૩૦ જૂન, ૨૦૨૧ વચ્‍ચેના મૂલ્‍યાંકન વર્ષ ૨૦૧૩પ્ર૧૪ થી ૨૦૧૭પ્ર૧૮ માટે વિભાગ દ્વારા જારી કરાયેલી અંદાજે ૯૦,૦૦૦ ટેક્‍સ નોટિસ અંગે સુપ્રીમ કોર્ટે આ નિર્ણય આપ્‍યો છે.

કોર્ટનું કહેવું છે કે આવકવેરા વિભાગને નોટિસ જારી કરવાની છૂટ છે. તમને જણાવી દઈએ કે આ નોટિસને કરદાતાઓ દ્વારા પડકારવામાં આવી હતી.

તેમની દલીલ એવી હતી કે આ કેસો નવા કર શાસન હેઠળ આવવા જોઈએ, જે કોવિડ રોગચાળા દરમિયાન ૧ એપ્રિલ, ૨૦૨૧ ના રોજ અમલમાં આવ્‍યા હતા. વિભાગે જૂના કેસોની તપાસ માટે ૧ એપ્રિલથી ૩૦ જૂન વચ્‍ચે લગભગ એક લાખ લોકોને નોટિસ મોકલી હતી.