અલ્હાબાદ હાઈકોર્ટે જાન્યુઆરી ૨૦૧૮માં રાજ્યના બુલંદશહેર જિલ્લામાં ૧૭ વર્ષની છોકરી સાથે સામૂહિક બળાત્કાર અને તેની હત્યા માટે ઝુલ્ફીકાર અબ્બાસી, દિલશાદ અબ્બાસી અને મલાની ઉર્ફે ઇઝરાયેલ નામના ત્રણ યુવકોની ફાંસીની સજાને ૨૫ વર્ષની કેદમાં બદલી નાખી છે. એક પણ દિવસની છૂટછાટ અપાશે નહીં.

જસ્ટિસ અરવિંદ સિંહ સાંગવાન અને જસ્ટિસ મોહમ્મદ  અઝહર હુસૈન ઇદ્રિસીએ કહ્યું કે આ 'રેરેસ્ટ ઓફ રેર' કેસ નથી જ્યાં મૃત્યુદંડ લાદવામાં આવી શકે. 

કોર્ટે એમ પણ કહ્યું કે સમાજમાં ગુનેગારોના સુધાર અને પુનર્વસનની શક્યતાને નકારી શકાય નહીં. 

કેસ એવો હતો કે આ દીકરીને મોજ મજા કરવા માટે રસ્તામાંથી મોટરમાં ઉપાડી જઈ મોટરમાં જ બળાત્કાર ગુજારેલ અને રોવા લાગતા દુપટ્ટો ગળે વીંટાળી મારી નાખેલ. 

ફરિયાદ પક્ષના કેસ મુજબ, ૨ જાન્યુઆરી, ૨૦૧૮ની સાંજે, દોષિતો (ઝુલ્ફીકાર અબ્બાસી, દિલશાદ અબ્બાસી અને મલાની ઉર્ફે ઈઝરાયેલ)એ 'મસ્તી' માટે એક છોકરીને ઉપાડવાનું નક્કી કર્યું અને પછી તેઓએ પીડિતાને એકલી સાઈકલ પર જતી જોઈ, તેની કાર રોકવાનું નક્કી કર્યું.  તેઓ બળજબરીથી યુવતીને પોતાની કારમાં ઉપાડી ગયા અને ચાલતા વાહનમાં એક પછી એક તેના પર બળાત્કાર ગુજાર્યો. જ્યારે છોકરી રડવા લાગી, ત્યારે તેઓએ તેના ગળામાં પહેરેલા દુપટ્ટા (સ્કાર્ફ)ની મદદથી તેનું ગળું દબાવી દીધું અને તે પછી, તેની લાશને નાલામા ફેંકી દીધી.