મહારાષ્ટ્રના થાણેના ભિવંડીમાં એક વેરહાઉસમાં ભીષણ આગ લાગી હતી. ઘટનાની જાણ થતાં જ ફાયરની ઓછામાં ઓછી છ ગાડીઓ ઘટનાસ્થળે પહોંચી ગઈ હતી અને આગને કાબૂમાં લેવાનો પ્રયાસ શરૂ કર્યો હતો. આ ઘટના રાજ્યના મુંબઈ-નાસિક હાઈવે નજીક બની હતી.

  માહિતી મુજબ વેરહાઉસમાં હાઈડ્રોલિક ઓઈલ, કપડાં, પ્લાસ્ટિક અને કેમિકલનો મોટો જથ્થો હતો. આગમાં સમગ્ર વેરહાઉસ બળીને ખાખ થઈ ગયું હતું. આગ પાછળનું કારણ હજુ સુધી જાણી શકાયું નથી. કોઈને ઈજા કે જાનહાનિના સમાચાર નથી.

અગાઉ, 2 ઓક્ટોબરે બપોરે થાણેના વાગલે ઔદ્યોગિક વસાહતમાં એક ફેક્ટરીમાં ભીષણ આગ ફાટી નીકળી હતી. થાણે મ્યુનિસિપલ કોર્પોરેશનના ડિઝાસ્ટર મેનેજમેન્ટ સેલના વડા યાસિન તડવીએ જણાવ્યું હતું કે કોઈને ઈજા થઈ હોવાના કોઈ સમાચાર નથી.

   તેમણે કહ્યું કે આગ સાંજે 4 વાગ્યાની આસપાસ લાગી હતી અને આગ બુઝાવવા માટે સાત ફાયર ટેન્ડરો તૈનાત કરવામાં આવ્યા હતા. રજાઓના કારણે ફેક્ટરી બંધ હોવાથી કોઈ જાનહાનિ થઈ નથી, પરંતુ ફાયર અધિકારીઓએ ફેક્ટરીમાં વ્યાપક નુકસાન થયાની પુષ્ટિ કરી છે.

   થાણે ફાયર બ્રિગેડના લગભગ સાત ફાયર એન્જિન, મીરા ભાયંદરના બે ફાયર એન્જિન અને ભિવંડીની એક ફાયર એન્જિન આગ ઓલવવામાં રોકાયેલા હતા. આગ પર કાબૂ મેળવવા માટે 20 થી વધુ પાણીના ટેન્કરોનો ઉપયોગ કરવામાં આવ્યો હતો.