તા. ૨૬ સપ્ટેમ્બર ર૦ર૬ વિક્રમ સંવત ર૦૮૨ ભાદરવા સુદ – ૧૫ શનિવાર
ચોમાસાએ વિદાય લેતાની સાથે જ લોકો ગરમીથી ભારે પરેશાન
દિલ્હીમાં મહત્તમ તાપમાન ૩૭ ડિગ્રી : સામાન્ય કરતા ૩ ડીગ્રી વધુ
નવી દિલ્હી, તા.૫: દિલ્હી-ગુજરાત સહિત દેશના મોટાભાગના રાજ્યોમાંથી ચોમાસાએ વિદાય લીધી છે. ચોમાસું વિદાય લેતાની સાથે જ ફરી એકવાર ગરમીએ લોકોને પરેશાન કરવાનું શરૂ કરી દીધું છે. ઘણી જગ્યાએ તાપમાન ૩૫ ડિગ્રીને પાર પહોંચી ગયું છે. આજે હવામાન વિભાગે આસામ, મેઘાલય, અરુણાચલ પ્રદેશ સહિત ઉત્તર પૂર્વના રાજ્યોમાં વરસાદની આગાહી કરી છે. દિલ્હી, હરિયાણા, રાજસ્થાન, યુપી અને પંજાબ સહિત અનેક રાજ્યોમાં તડકો અને ગરમી યથાવત રહેશે. જાણો આજે કયાં રહેશે હવામાન.
આજે ગુજરાતમાં ૫ ઓક્ટોબરે તાપી, નવસારી, ડાંગ, વલસાડમાં છૂટો છવાયો હળવો વરસાદ થઇ શકે છે. તેમજ આવતીકાલે તાપી, નવસારી, ડાંગ, વલસાડમાં છૂટો છવાયો હળવો વરસાદ થઇ શકે છે.
દિલ્હીમાં શુક્રવારે મહત્તમ તાપમાન ૩૭ ડિગ્રી સેલ્સિયસ નોંધાયું હતું, જે સામાન્ય કરતાં ત્રણ ડિગ્રી વધારે હતું. હવામાન વિભાગે આજે આકાશ સ્વચ્છ રહેવાની આગાહી કરી છે. મહત્તમ તાપમાન ૩૬.૦ ડિગ્રી અને લઘુત્તમ તાપમાન ૨૫ ડિગ્રી સેલ્સિયસ નોંધાય તેવી શકયતા છે. IMDએ કહ્યું છે કે આગામી સપ્તાહ સુધી દિલ્હીમાં હવામાન આવું જ રહેશે.
બંગાળની ખાડીના ઉત્તર ભાગમાં આજે એક લો પ્રેશર વિસ્તાર બનવાની સંભાવના છે, જેના કારણે પશ્ચિમ બંગાળના વિવિધ ભાગોમાં ભારે વરસાદ પડી શકે છે. હવામાન વિભાગે જણાવ્યું હતું કે હવામાન ણાલીની અસરને કારણે, ઉપ-હિમાલયના જિલ્લાઓમાં શનિવાર સુધી ભારે વરસાદની સંભાવના છે, જ્યારે એક કે બે સ્થળોએ ભારે વરસાદની સંભાવના છે. નીચા દબાણવાળા વિસ્તારની રચનાને કારણે શુક્રવારે દક્ષિણ બંગાળના જિલ્લાઓમાં ભારે વરસાદ પડશે. ભારે વરસાદને કારણે દાર્જિલિંગ અને કાલિમપોંગના પહાડી જિલ્લાઓમાં ભૂસ્ખલન થઈ શકે છે.
હવામાન વિભાગના જણાવ્યા અનુસાર ઉત્તર ભારતમાંથી ચોમાસું પાછું ખેંચવાની શરૂઆત થઈ ગઈ છે. દક્ષિણ-પﾍુિમ ચોમાસું હવે દેશના વિવિધ ભાગોમાંથી પાછું ખેંચી ગયું છે. IMD અનુસાર, જમ્મુ-કાશ્મીર, લદ્દાખ, ગિલગિટ-બાલ્ટિસ્તાન, મુઝફ્ફરાબાદ, હિમાચલ પ્રદેશ, ઉત્તરાખંડ, પંજાબ, હરિયાણા, દિલ્હી, બાકીના પﾍુિમ રાજસ્થાન, પﾍુિમ ઉત્તર પ્રદેશ, પશ્ચિમ મધ્યપ્રદેશ અને પૂર્વ રાજસ્થાનમાંથી ચોમાસું પાછું ખેંચાયું છે. આ રાજ્યોમાં તાપમાન વધવા લાગ્યું છે. આગામી બે-ત્રણ દિવસમાં, ચોમાસું પશ્ચિમ યુપી, મધ્યપ્રદેશ, રાજસ્થાન, ગુજરાત અને મહારાષ્ટ્રમાંથી પણ પાછું ખેંચી લેશે. હવામાન વિભાગના જણાવ્યા અનુસાર આજે કેટલાક રાજ્યોમાં વરસાદની શકયતા છે. ઉત્તર પૂર્વ આસામ, મેઘાલય, અરુણાચલ પ્રદેશ, નાગાલેન્ડ, મણિપુર, મિઝોરમ અને ત્રિપુરામાં હળવોથી મધ્યમ વરસાદ થઈ શકે છે. આ સિવાય આંદામાન અને નિકોબાર ટાપુઓમાં પણ વરસાદની સંભાવના છે. બિહાર, પશ્ચિમ બંગાળ, સિક્કિમ, તમિલનાડુ, રાયલસીમા, કર્ણાટક, કેરળ, તેલંગાણા - આ રાજ્યોના કેટલાક ભાગોમાં હળવોથી મધ્યમ વરસાદ પડી શકે છે. ઝારખંડ, મહારાષ્ટ્ર, કોંકણ અને ગોવા, લક્ષદ્વીપ, પૂર્વી ઉત્તર પ્રદેશ, ગુજરાતમાં કેટલાક સ્થળોએ હળવા વરસાદની શકયતા છે
(3:24 PM IST)
છેલ્લા 8 દિવસમાં સૌથી લોકપ્રિય 
