મુંબઈ : પીએમ મોદી મહારાષ્ટ્રના પ્રવાસે ગયા છે. આ દરમિયાન પીએમ મોદીએ થાણેમાં 32 હજાર કરોડ રૂપિયાના પ્રોજેક્ટનો શિલાન્યાસ કર્યો હતો. આ દરમિયાન પીએમ મોદીએ મુંબઈ મેટ્રો લાઈન 3 ના BKC થી આરે JVLR સેક્શન વચ્ચે મેટ્રો ટ્રેનમાં મુસાફરી કરી હતી. આ પહેલા થાણેમાં જનસભાને સંબોધિત કરતા પીએમ મોદીએ કોંગ્રેસ પર નિશાન સાધ્યું હતું.

     પીએમ મોદીએ કહ્યું કે કોંગ્રેસ સૌથી  છે, કોંગ્રેસ સૌથી ભ્રષ્ટ અને અપ્રમાણિક પાર્ટી છે. આ દરમિયાન જનસભાને સંબોધતા તેમણે કહ્યું કે હિમાચલ પ્રદેશમાં કોંગ્રેસ સરકારે હદ વટાવી દીધી છે. કોંગ્રેસ સરકારે હિમાચલ પ્રદેશમાં શૌચાલય પર ટેક્સ લગાવ્યો છે.કોંગ્રેસે લૂંટ અને છેતરપિંડીનું સંપૂર્ણ પેકેજ છે. જનસભાને સંબોધતા પીએમ મોદીએ કહ્યું કે કોંગ્રેસ ભારતની સૌથી બેઈમાન અને ભ્રષ્ટ પાર્ટી છે.

  વધુમાં જણાવ્યું હતું કે, ગયા અઠવાડિયે જ જમીન કૌભાંડમાં કોંગ્રેસના એક મુખ્યમંત્રીનું નામ સામે આવ્યું હતું. તેમના એક મંત્રીએ મહિલાઓ સાથે દુર્વ્યવહાર કર્યો અને તેમનું અપમાન કર્યું. હરિયાણામાં ડ્રગ્સ સાથે કોંગ્રેસના નેતા ઝડપાયા હતાં

  પીએમ મોદીએ કહ્યું કે મારી સરકાર વકફ બોર્ડ દ્વારા ગેરકાયદેસર અતિક્રમણ પર બિલ લાવી છે. પરંતુ તુષ્ટિકરણની રાજનીતિ ખાતર કોંગ્રેસના નવા શિષ્યો તેનો વિરોધ કરવાનું પાપ કરી રહ્યા છે. જ્યારે કોંગ્રેસના લોકો વીર સાવરકર વિશે ખોટું બોલે છે ત્યારે પણ કોંગ્રેસના શિષ્યો તેમની પાછળ ઉભા રહે છે.

    પીએમ મોદીએ પોતાના સંબોધનમાં જણાવ્યું કે કોંગ્રેસ કહી રહી છે કે તેઓ કલમ 370 પુનઃસ્થાપિત કરશે. પરંતુ તેમના શિષ્યો આ અંગે મૌન છે. નવી વોટ બેંક ખાતર વિચારધારાનું આવું અધઃપતન. જનસભાને સંબોધતા પીએમ મોદીએ વધુમાં કહ્યું કે કેન્દ્ર સરકારે મરાઠી ભાષાને શાસ્ત્રીય ભાષાનો દરજ્જો આપ્યો છે