માલદીવનાં રાષ્ટ્રપતિને ‘બ્રહ્મજ્ઞાન' : ભારતને ‘બાપુજી' તરીકે સ્વીકાર્યુ
ચીનનાં ખોળે બેસેલા માલદીવને કાંટા વાગ્યા : માલદીવના રાષ્ટ્રપતિ ભારત આવ્યા : ડાહી ડાહી વાતો : ભારતની સુરક્ષા જોખમાય એવું એક પણ પગલુ નહિ ભરવા રાષ્ટ્રપતિ મઇજજુની ખાત્રી : અગાઉ જેવા સંબંધો સ્થાપવા તપ્પરતા
નવી દિલ્હી, તા.૭: માલદીવના રાષ્ટ્રપતિ મોહમ્મદ મુઈઝુ ભારતની ચાર દિવસીય મુલાકાતે આવ્યા છે. મુઈઝુ ચાર દિવસની રાજ્ય મુલાકાત પર રવિવારે નવી દિલ્હી પહોંચ્યા હતા. માલદીવના રાષ્ટ્રપતિ મોહમ્મદ મુઈઝુએ ખાતરી આપી છે કે તેમનો દેશ ભારતની સુરક્ષાને ખલેલ પહોંચાડે તેવું કોઈ કામ કયારેય નહીં કરે. મુઇઝુ, જેની સરકાર માલદીવમાં આર્થિક સંકટનો સામનો કરી રહી છે, તે ભારત સાથે તેના દેશના સંબંધોને ફરીથી સેટ કરવા માટે ભારતની મુલાકાતે છે. ચીનના નજીકના ગણાતા મુઈઝુએ રવિવારે કહ્યું હતું કે ચીન સાથેના દેશના સંબંધોથી ભારતની સુરક્ષાને કયારેય કોઈ ખતરો નહીં રહે.
માલદીવના રાષ્ટ્રપતિ મોહમ્મદ મુઈઝુ ભારતની મુલાકાતે છે. વિદેશ મંત્રી જયશંકરને મળ્યા બાદ હવે તેઓ માલદીવની આર્થિક સ્થિતિ સુધારવા માટે વડાપ્રધાન મોદીને મળશે. રવિવારે તેમણે ભારત સાથેના સંબંધોમાં નાટકીય ફેરફારો અંગે પોતાનું મૌન તોડ્યું હતું. ચાઈનીઝ નાણાની મદદથી લાઈમલાઈટમાં ચડી ગયેલા મોઈજ્જુ ભારત વિરોધી અભિયાન ચલાવીને સત્તામાં આવ્યા હતા. ચીન સમર્થિત મુઈઝુ લાંબા સમયથી ભારત માટે માથાનો દુખાવો બની રહ્યો હતો. પરંતુ ૨૦૨૪ આવતા સુધીમાં જ્યારે તેને લોટ અને દાળના ભાવની ખબર પડી ત્યારે તેની વિચારસરણી બદલાઈ ગઈ અને તેણે આખી ટીમ ઈન્ડિયા સામે ઝેર ઉગાડવાનું બંધ કરી દીધું.
મુઈઝુની ભારતની આ પ્રથમ દ્વિપક્ષીય મુલાકાત છે. જો કે આ પહેલા તે ભારત આવી ચુકયો છે. મુઈઝુ આ વર્ષે ૯ જૂને ત્રીજી વખત વડાપ્રધાન તરીકે મોદીના શપથ ગ્રહણ સમારોહમાં હાજરી આપવા નવી દિલ્હી આવ્યા હતા. પાંચ મહિનામાં આ તેમની બીજી મુલાકાત છે. મુઇઝુ, આજે મહામહિમ રાષ્ટ્રપતિ દ્રૌપદી મુર્મુને મળશે. આ પછી વડાપ્રધાન મોદી સાથે મુલાકાત થશે. આ દરમિયાન બંને નેતાઓ વચ્ચે ભારત-માલદીવ દ્વિપક્ષીય મુદ્દાઓ, ધાર્મિક અને આંતરરાષ્ટ્રીય મુદ્દાઓ પર ચર્ચા થશે.
TOI ને આપેલ એક વિશેષ મુલાકાતમાં, માલદીવના રાષ્ટ્રપતિએ છેલ્લા બે વર્ષના વિકાસ પર ખુલીને વાત કરી. ભારત સાથેના સંબંધો પ્રત્યે પોતાની પ્રતિબદ્ધતાનો પુનરોચ્ચાર કરતા તેમણે કહ્યું કે, માલદીવ કયારેય એવું કંઈ કરશે નહીં જેનાથી ભારતની સુરક્ષા નબળી પડે. સોમવારે પીએમ મોદી સાથેની તેમની મુલાકાત પહેલાના તેમના નિવેદનને હવે વ્યૂહાત્મક રીતે મહત્વપૂર્ણ માનવામાં આવી રહ્યું છે. કારણ કે ભારતના દુશ્મન નંબર વન ચીન આપણા દરિયાઈ પાડોશીને ઉશ્કેરતા હતા. મુઈઝુએ કહ્યું કે ‘નવી દિલ્હી-એમએલ' સંબંધો વિશ્વાસના પાયા પર આધારિત છે. માલી વિવિધ ક્ષેત્રોમાં અન્ય દેશો સાથે સહકાર વધારવાનું ચાલુ રાખે છે, પરંતુ અમે એ સુનિ?તિ કરવા માટે પણ પ્રતિબદ્ધ છીએ કે અમારી કોઈપણ ક્રિયા સમગ્ર ક્ષેત્રની સુરક્ષા અને સ્થિરતા સાથે સમાધાન ન કરે.
તેમણે ધ ટાઈમ્સ ઓફ ઈન્ડિયાને આપેલા ઈન્ટરવ્યુમાં જણાવ્યું હતું કે, માલદીવ કયારેય એવું કંઈ કરશે નહીં જે ભારતની સુરક્ષાને નુકસાન પહોંચાડે. ભારત માલદીવનો મૂલ્યવાન ભાગીદાર અને મિત્ર છે, અને અમારા સંબંધો પરસ્પર આદર અને સહિયારા હિતોના આધારે બનેલા છે જ્યારે અમે અમારી સાથે અમારો સહયોગ વિસ્તારીએ છીએ. વિવિધ ક્ષેત્રોમાં અન્ય દેશો, અમે એ સુનિશ્ચિત કરવા માટે પ્રતિબદ્ધ છીએ કે અમારી ક્રિયાઓ અમારા ક્ષેત્રની સુરક્ષા અને સ્થિરતા સાથે સમાધાન ન કરે.
જ્યારે મુઈઝુને ઈન્ટરવ્યુમાં ભારતીય સૈનિકો પાછા ખેંચવાના નિર્ણય વિશે પૂછવામાં આવ્યું ત્યારે તેણે કહ્યું કે તેઓ સ્થાનિક પ્રાથમિકતાઓને સંબોધિત કરી રહ્યા છે. તેમણે કહ્યું કે માલદીવ અને ભારત હવે એકબીજાની પ્રાથમિકતાઓ અને ચિંતાઓને વધુ સારી રીતે સમજે છે. માલદીવના લોકોએ મને જે કહ્યું તે મેં કર્યું. તાજેતરના ફેરફારો ઘરેલું પ્રાથમિકતાઓને સંબોધવાના અમારા પ્રયાસોને પ્રતિબિંબિત કરે છે. અગાઉના કરારો અમારી સમીક્ષાનો ઉદ્દેશ્ય છે. ખાતરી કરો કે તેઓ આપણા રાષ્ટ્રીય હિતો સાથે સુસંગત રહે છે અને પ્રાદેશિક સ્થિરતામાં સકારાત્મક યોગદાન આપે છે.
તમને જણાવી દઈએ કે માલદીવે ભારતીય સૈનિકોને માલદીવમાંથી હટી જવા કહ્યું ત્યારથી જ માલદીવ-ભારતના સંબંધો તંગ બની ગયા હતા. વડાપ્રધાન મોદી વિરુદ્ધ માલદીવના પ્રધાનો દ્વારા વાંધાજનક ટિપ્પણીઓને કારણે દ્વિપક્ષીય સંબંધો વધુ વણસ્યા હતા.(
(11:19 AM IST)
છેલ્લા 8 દિવસમાં સૌથી લોકપ્રિય 
