મધ્યપ્રદેશના રાજગઢના નરસિંહગઢમાંથી એક ચોંકાવનારો કિસ્સો સામે આવ્યો છે. અંધશ્રદ્ધાના નામે એક મહિલાને ગંભીર ઇજા પહોંચી હતી.અંધશ્રદ્ધાના નામે મહિલાના બંને હાથ ગરમ તેલમાં ડુબાડવામાં આવ્યા હતા. જેના કારણે મહિલાનો હાથ ગંભીર રીતે દાઝી ગયો હતો, મહિલાને સારવાર માટે જિલ્લા હોસ્પિટલમાં દાખલ કરવામાં આવી છે. જ્યાં તેની સારવાર ચાલુ છે

    મળતી માહિતી મુજબ, પીડિતાના સસરાએ પોતાની વાત પાર પાડવા માટે આવું કર્યું હતું. મહિલાના સસરાએ, જેને પાંડા જી કહેવામાં આવે છે, તેણે દાવો કર્યો કે મહિલા પર દેવી-દેવતાઓ છે. આ વાતને સાચી સાબિત કરવા માટે સમગ્ર ઘટનાને અંજામ આપવામાં આવ્યો હતો. આરોપી સસરાએ તેના ત્રણ ભાઈઓ સાથે મળીને પહેલા મહિલાને સાંકળથી બાંધી અને પછી તેને મંદિરની સામે ઉભી કરી. તે પછી, મહિલાને દબાવી દેવામાં આવી અને તેના હાથ ઉકળતા તેલમાં ડુબાડવામાં આવ્યા

    મળતી માહિતી મુજબ, મહિલા વિધવા છે, તેના પતિનું ત્રણ વર્ષ પહેલા ઇલેક્ટ્રિક શોક લાગવાથી મૃત્યુ થયું હતું. પતિના મૃત્યુ બાદ મહિલા તેના બાળકો સાથે નરસિંહગઢમાં અન્ય જગ્યાએ રહેવા લાગી હતી. મહિલાના સસરાએ કહ્યું કે તને ભૂત અને ડાકણોનો ભોગ છે, હું તારો ઈલાજ કરીશ. આ પછી મહિલાને સાંકળથી બાંધીને તેના હાથ ગરમ તેલમાં ડુબાડવામાં આવ્યા હતા. ગંભીર રીતે ઘાયલ મહિલાને સારવાર માટે હોસ્પિટલમાં દાખલ કરવામાં આવી છે

  આ અંગે પાડોશીઓએ પીડિતાના પરિવારને જાણ કરી હતી. પીડિતાના પરિવારે આરોપી વિરુદ્ધ નરસિંહગઢ પોલીસ સ્ટેશનમાં ફરિયાદ નોંધાવી હતી. આ કેસમાં પોલીસે કાર્યવાહી કરીને ચાર આરોપીઓની ધરપકડ કરી છે. પોલીસે મહિલાના આરોપી સસરા સહિત ચાર લોકો સામે કેસ નોંધીને તેમની ધરપકડ કરી છે. .