નવી દિલ્હીઃ આગામી દિવસોમાં ટર્મ કે હેલ્થ ઈન્સ્યોરન્સનું પ્રીમિયમ ભરવામાં રાહત મળવાની છે. જીવન અને આરોગ્ય વીમા પર GST દર નક્કી કરવા માટે શનિવારે રચાયેલી મિનિસ્ટર્સ (GoM) ની બેઠકમાં, 5 લાખ સુધીના કવરેજ સાથેના આરોગ્ય વીમા અને ટર્મ ઈન્સ્યોરન્સ પરના ટેક્સને સંપૂર્ણપણે નાબૂદ કરવા પર સહમતિ થઈ હતી .

5 લાખથી વધુના કવરેજવાળા સ્વાસ્થ્ય વીમા પર પહેલાની જેમ 18 ટકા જીએસટી લાગતો રહેશે. આ સિવાય વરિષ્ઠ નાગરિકો દ્વારા ચૂકવવામાં આવતા સ્વાસ્થ્ય વીમા પ્રીમિયમને પણ ટેક્સમાંથી મુક્તિ મળી શકે છે. જોકે, આ અંગે અંતિમ નિર્ણય જીએસટી કાઉન્સિલ લેશે. હાલમાં, ટર્મ ઈન્સ્યોરન્સ અને હેલ્થ ઈન્સ્યોરન્સ પ્રિમીયમ પર 18 ટકા GST વસૂલવામાં આવે છે.