નવી દિલ્‍હીઃ ઈઝરાયેલ હાલમાં મધ્ય પૂર્વમાં ઘણા મોરચે યુદ્ધ લડી રહ્યું છે. ઈઝરાયેલના હુમલામાં હમાસ ચીફ યાહ્યા સિનવરના મોત બાદ ઈરાનના સર્વોચ્ચ નેતા અયાતુલ્લા અલી ખમેનીએ કહ્યું કે હમાસ ખતમ નથી થયું. હમાસ બાદ ઈઝરાયેલનું આગામી નિશાન ઈરાન છે. ન્યૂયોર્ક ટાઈમ્સના અહેવાલ મુજબ, અમેરિકન ગુપ્તચર એજન્સીનો એક દસ્તાવેજ લીક થયો છે, જેમાં ઈઝરાયેલ હવે ઈરાન પર મોટા હુમલાની તૈયારી કરી રહ્યું છે.

અમેરિકાના સેટેલાઇટ નેશનલ જિયોસ્પેશિયલ-ઇન્ટેલિજન્સ એજન્સી (એનજીએ)એ કેટલીક એવી તસવીરો કેપ્ચર કરી છે, જેમાં ઇઝરાયેલી સેનાની તૈયારીઓને જોતા એવું લાગે છે કે તે મોટી કાર્યવાહી કરવાના મૂડમાં છે. ઑક્ટોબર 15 અને 16,  ના રોજ, આવા બે દસ્તાવેજો ઈરાનને સમર્થન આપતા ઘણા ટેલિગ્રામ એકાઉન્ટ્સ દ્વારા પણ શેર કરવામાં આવ્યા હતા.

આ દસ્તાવેજોમાં ઈઝરાયેલની સૈન્ય કવાયતો સંપૂર્ણ વિગતમાં બતાવવામાં આવી છે, જે દર્શાવે છે કે ઈઝરાયેલ હવે ઈરાન પર મોટો હુમલો કરી શકે છે.

ઈરાને 1 ઓક્ટોબર, ના રોજ લગભગ 200 મિસાઈલોથી ઈઝરાયેલ પર હુમલો કર્યો હતો, ત્યારબાદ સમગ્ર વિશ્વની નજર ઈઝરાયેલ કેવી રીતે બદલો લેશે તેના પર ટકેલી હતી. જો કે ઈરાનના હુમલાનો ઈઝરાયેલે હજુ સુધી કોઈ જવાબ આપ્યો નથી. આવી સ્થિતિમાં, બંને દેશો વચ્ચે વધી રહેલા તણાવ વચ્ચે, આ દસ્તાવેજનો ખુલાસો ખૂબ જ મહત્વપૂર્ણ માનવામાં આવે છે.

બે દસ્તાવેજોમાંથી એકનું શીર્ષક છે, "ઇઝરાયેલ: એર ફોર્સ ઇરાન પર હુમલાની તૈયારી ચાલુ રાખેલી છે." મિસાઇલને પુનઃસ્થાપિત કરવાની સ્થિતિ દર્શાવવામાં આવી છે. બીજો દસ્તાવેજ શસ્ત્રો અને અન્ય સૈન્ય સંપત્તિઓને વ્યૂહાત્મક સ્થળોએ ખસેડવાની તૈયારી દર્શાવે છે. 

આ ગુપ્તચર દસ્તાવેજો કથિત રીતે લીક થયાના સમાચાર બાદ અમેરિકન ગુપ્તચર એજન્સીઓ અને FBI સંયુક્ત રીતે તેની તપાસ કરી રહી છે. જેથી એ જાણી શકાય કે માહિતી કેવી રીતે લીક થઈ અને શું વધુ દસ્તાવેજો લીક થઈ શકે છે.