નવી દિલ્હી :  ભારતીય હવામાન વિભાગે 23 ઓક્ટોબર સુધીમાં બંગાળની ખાડીમાં ચક્રવાતી તોફાનની આગાહી કરી છે. તોફાનના કારણે આંધ્રપ્રદેશ, ઓડિશા અને પશ્ચિમ બંગાળ જેવા દરિયાકાંઠાના રાજ્યોમાં ભારે વરસાદની સંભાવના છે. IMD એ માછીમારોને ઓડિશાના દરિયાકાંઠે દરિયાથી દૂર રહેવાની સલાહ આપી છે

  વિભાગ દ્વારા સોશિયલ મીડિયા પર એક પોસ્ટ શેર કરવામાં આવી છે જેમાં કહેવામાં આવ્યું છે કે 19 ઓક્ટોબરે મધ્ય આંદામાન સમુદ્ર પર બનેલો અપર એર સાયક્લોનિક વિસ્તાર 20 ઓક્ટોબર, 2024ના રોજ સવારે 8:30 વાગ્યે ઉત્તર આંદામાન સમુદ્ર પર હતો. તેની અસરને કારણે, આગામી 24 કલાક દરમિયાન પૂર્વ-મધ્ય બંગાળની ખાડી અને નજીકના ઉત્તર આંદામાન સમુદ્રમાં નીચા દબાણનું ક્ષેત્ર રચાય તેવી શક્યતા છે.

    ચક્રવાતી તોફાનના કારણે આંધ્રપ્રદેશ, ઓડિશા અને પશ્ચિમ બંગાળ જેવા દરિયાકાંઠાના રાજ્યોમાં ભારે વરસાદની સંભાવના છે. બુલેટિન જારી કરીને IMDએ જણાવ્યું હતું કે આગામી 24 કલાક દરમિયાન આંદામાન સમુદ્ર પર એક ચક્રવાતી પરિભ્રમણ વિસ્તાર સોમવાર સુધીમાં ઓછા દબાણવાળા વિસ્તારમાં પરિવર્તિત થવાની સંભાવના છે IMDએ જણાવ્યું હતું કે પશ્ચિમ-ઉત્તર-પશ્ચિમ ઓછા દબાણવાળા વિસ્તારની શક્યતા છે  22 ઑક્ટોબરની સવાર સુધીમાં ડિપ્રેશનમાં ફેરવાશે  અને પછી 23 ઑક્ટોબર સુધીમાં પૂર્વ-મધ્ય બંગાળની ખાડી પર ચક્રવાતી વાવાઝોડામાં ફેરવાશે

 બુલેટિનમાં કહેવામાં આવ્યું છે કે 24 ઓક્ટોબરની સવાર સુધીમાં ચક્રવાતી તોફાન ઓડિશા-પશ્ચિમ બંગાળના દરિયાકાંઠાથી દૂર બંગાળની ખાડીની ઉત્તર-પશ્ચિમ બાજુએ પહોંચવાની સંભાવના છે

   તોફાનના કારણે 23 થી 25 ઓક્ટોબર સુધી ઓડિશાના દરિયાકાંઠાના વિસ્તારોમાં ભારે વરસાદની સંભાવના છે. તેને જોતા માછીમારોને 21 ઓક્ટોબર સુધીમાં દરિયાકાંઠે પરત ફરવાની સલાહ આપવામાં આવી છે.

  IMDના ડાયરેક્ટર જનરલ મૃત્યુંજય મહાપાત્રાનું કહેવું છે કે તોફાનની અસરને કારણે 21 ઓક્ટોબરની સવારે 45 કિમી પ્રતિ કલાકની ઝડપે પવન ફૂંકાશે. સાંજે તેની સ્પીડ વધીને 60 કિમી પ્રતિ કલાક થઈ શકે છે. તેમણે કહ્યું કે ઓડિશાના દરિયાકાંઠાના વિસ્તારોમાં 23 ઓક્ટોબરથી વરસાદની સંભાવના છે, જ્યારે આગામી બે દિવસમાં 24 અને 25ના રોજ ભારે વરસાદની સંભાવના છે.