છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
ચક્ષુદાન પ્રવૃતિને સંતોના આશિષ 10:33 AM
લ્યો બોલો...લાહોરમાં પુસ્તક મેળો યોજાયો તો માત્ર ૩૫ બુક વેંચાણી : લોકો ખાવા-પીવા ઉપર તુટી પડયા
લાખો પુસ્તકો રજુ થયા પણ વેંચાણી ૮૦૦ પ્લેટ બિરીયાની
લાહોર, તા.૧૩: પાકિસ્તાન પણ અદભૂત છે. તેનું કારણ અહીંની વસ્તી છે. તાજેતરમાં પાકિસ્તાનના બીજા સૌથી મોટા શહેર લાહોરમાં પુસ્તક મેળાનું આયોજન કરવામાં આવ્યું છે. અહીં પુસ્તકમેળો ઓછો હતો પણ ખાણીપીણીનો મેળો વધુ હતો. પુસ્તક મેળામાં લાખોની સંખ્યામાં પુસ્તકો આવ્યા હતા. પરંતુ માત્ર ૩૫ પુસ્તકો જ વેચાઈ શકયા. ૨૨ કરોડની વસ્તી ધરાવતા પાકિસ્તાનમાં લેખકો અને પ્રકાશકો તેમના પુસ્તકો માટે ખરીદદાર શોધી શકયા નથી.
મેળામાં આવેલા પાકિસ્તાનીઓએ પુસ્તકોમાં કોઈ રસ દાખવ્યો ન હતો. પણ ખાવા-પીવામાં કોઈ સંકોચ ન હતો. તેથી જ ૩૫ પુસ્તકોની સામે ૧૨૦૦ થી વધુ શવર્મા અને ૮૦૦ થી વધુ પ્લેટ બિરયાની વેચાઈ. મેળામાં પહોંચેલા દરેક વ્યક્તિ માત્ર ખોરાકની શોધમાં હતા. પુસ્તક મેળાનું આયોજન કરવાનો હેતુ દેશમાં સાહિત્યને પ્રોત્સાહન આપવાનો હતો. પરંતુ તે પળથ્વી પર જ રહ્યો.
લાહોર પાકિસ્તાનનું બીજું સૌથી મોટું શહેર છે. આ ઐતિહાસિક શહેર અનેક રીતે ખાસ છે. સઆદત હસન મંટો અને ફૈઝ અહેમદ ફૈઝનો જન્મ પણ આ શહેરમાં થયો હતો. એક જ શહેરમાં પુસ્તક મેળાની આ દુર્દશા જોઈને સમગ્ર વિશ્વમાં ચર્ચા થાય તે સ્વાભાવિક છે. લાહોરને પાકિસ્તાનનું સાહિત્યિક અને સાંસ્કળતિક કેન્દ્ર કહેવામાં આવે છે. એશિયા ન્યૂઝ નેટવર્કના અહેવાલ મુજબ, લાહોર પુસ્તક મેળામાં લોકોએ માત્ર ૩૫ પુસ્તકો જ ખરીદ્યા હતા.
Reddit પર એક યુઝરે લખ્યું છે કે સરેરાશ પાકિસ્તાની વાચક નથી. દરેક વ્યક્તિ આ જાણે છે. જ્યારે બીજાએ લખ્યું કે કિંમત પણ એક કારણ છે. બિરયાનીની એક પ્લેટ ૪૦૦-૫૦૦ રૂપિયા કે તેનાથી ઓછી કિંમતમાં ઉપલબ્ધ છે. એક નવલકથા રૂ. ૧૦૦૦ થી રૂ. ૪૦૦૦માં ઉપલબ્ધ છે. બીજાએ લખ્યું કે એક પુસ્તકની કિંમત ૪૦૦ રૂપિયાથી ૫૦૦ રૂપિયા સુધીની છે. જ્યારે બિરયાની અને શવર્મા લગભગ ૧૦૦ રૂપિયામાં ઉપલબ્ધ છે. જો મને પુસ્તક જોઈતું હોય, તો હું સેકન્ડ હેન્ડ બુકશોપમાં જવાનું પસંદ કરું છું કારણ કે તેમાં વધુ વેરાયટી છે અને તે સસ્તી પણ છે.
એક વ્યક્તિએ લખ્યું કે માત્ર ૩૫ પુસ્તકો વેચાય તો તે પુસ્તક મેળો ન હતો. એવું લાગે છે કે આ કોઈ ફૂડ ફેસ્ટિવલ છે. જેમાં કેટલાક પુસ્તકોનું વેચાણ પણ થઈ રહ્યું છે. તેણે એક્સ્પો બુક ફેરની રાહ જોવાનું કહ્યું. તમે એક દિવસમાં હજારો પુસ્તકો વેચાતા જોશો.
(10:02 AM IST)
