છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
ચક્ષુદાન પ્રવૃતિને સંતોના આશિષ 10:33 AM
કોરોનાથી જેટલા લોકો મર્યા તેનાથી વધારે દર વર્ષે પ્રદૂષણથી મરે છે : અત્યાર સુધીમાં ૭૦ લાખનો ભોગ
પ્રદુષણ શ્વાસ - હૃદયની સમસ્યા વધે છે અને અન્ય ગંભીર બિમારીનું જોખમ વધે છે : ડો.ગુલેરિયા
નવી દિલ્હી, તા.૨૩: કોરોના મહામારીના એ મુશ્કેલ સમયને કોણ ભૂલી શકે છે જ્યારે દેશમાં જ નહીં પરંતુ સમગ્ર વિશ્વમાં અરાજકતાનો માહોલ હતો. તે સમયે જો આખો દેશ કોઈ નિષ્ણાતને સાંભળવા માટે ઉત્સુક હોય તો તે એઈમ્સ દિલ્હીના ભૂતપૂર્વ ડિરેક્ટર ડૉ. રણદીપ ગુલેરિયા હતા. હવે તેણે પોતે જ આંખ ખોલનારી ચેતવણી આપી છે. પ્રદૂષણ અંગે ચેતવણી. આ કેટલું જોખમી છે તે વિશે. ગુલેરિયાએ કહ્યું છે કે દર વર્ષે કોરોના રોગચાળાને કારણે થયેલા મળત્યુની સંખ્યા કરતાં એકલા પ્રદૂષણને કારણે વધુ મળત્યુ થઈ રહ્યા છે.
ઈન્ટરનલ મેડિસિન, રેસ્પિરેટરી એન્ડ સ્લીપ મેડિસિન, મેદાંતા અને એઈમ્સ દિલ્હીના ભૂતપૂર્વ ડિરેક્ટર ગુલેરિયાએ કહ્યું, હેલ્થ ઈફેક્ટ્સ ઈન્સ્ટિટયૂટનો રિપોર્ટ ૨૦૨૧માં કહે છે કે વિશ્વમાં લગભગ ૮૦ લાખ લોકો વાયુ પ્રદૂષણને કારણે મળત્યુ પામ્યા છે. આ કોવિડ-૧૯ને કારણે મળત્યુ પામેલા લોકોની સંખ્યા કરતાં વધુ છે. અમે કોવિડ વિશે ચિંતિત છીએ, પરંતુ અમે વાયુ પ્રદૂષણ વિશે ચિંતિત નથી.
વર્લ્ડોમીટર વેબસાઈટ અનુસાર, વિશ્વભરમાં અત્યાર સુધીમાં લગભગ ૭૦ લાખ લોકો કોરોના વાયરસના કારણે મળત્યુ પામ્યા છે. સૌથી વધુ મોત અમેરિકામાં થયા છે, ૧૨ લાખથી વધુ. કોરોનાના કારણે મળત્યુના મામલામાં ભારત બીજા ક્રમે છે જ્યાં આ જીવલેણ વાયરસને કારણે અત્યાર સુધીમાં ૫.૩૩ લાખ લોકોના મોત થયા છે.
વાયુ પ્રદૂષણ કેટલું ખતરનાક છે તે સમજાવતા ગુલેરિયાએ આગળ કહ્યું, ભારતના તાજેતરના ડેટા દર્શાવે છે કે PM ૨.૫માં માત્ર ૧૦ માઇક્રોગ્રામ પ્રતિ ઘન મીટરનો વધારો મળત્યુ દરમાં નોંધપાત્ર વધારો કરે છે. આનાથી શ્વસન અને કાર્ડિયોવેસ્કયુલર સમસ્યાઓ થાય છે... વાયુ પ્રદૂષણ ફેફસામાં વધુ બળતરા પેદા કરે છે. શ્વસન સંબંધી સમસ્યાઓ વધી જાય છે. ઘણી વખત દર્દીઓ ICU અથવા વેન્ટિલેટરમાં હોય છે અને તેનાથી મળત્યુદર વધે છે.
ગુલેરિયાએ વધુમાં ઉમેર્યું, તે જ રીતે, જે લોકોમાં હૃદય રોગ છે... તે હૃદયની નળીઓમાં બળતરા અથવા સોજોનું કારણ બને છે અને હાર્ટ એટેકનું જોખમ પણ વધારે છે. તે માત્ર હૃદય અને ફેફસાંની જ વાત નથી, પ્રદૂષણ શરીરના લગભગ કોઈપણ ભાગને અસર કરી શકે છે કારણ કે હવાના પ્રદૂષકોના આ સૂક્ષ્મ કણો ૨.૫ માઇક્રોનથી ઓછા હોય છે. જ્યારે આ રસાયણો ફેફસાંમાંથી શરીરમાં પ્રવેશે છે, ત્યારે તે વિવિધ અવયવોમાં મુસાફરી કરી શકે છે, જેના કારણે ડિમેન્શિયા, ન્યુરોલોજીકલ સમસ્યાઓ, ડાયાબિટીસ, મેટાબોલિક સિન્ડ્રોમ, જે તમામ વાયુ પ્રદૂષણ સાથે સંકળાયેલા છેગુલેરિયાની આ ચેતવણી એવા સમયે આવી છે જ્યારે ચોમાસાની વિદાય સાથે દેશમાં પ્રદૂષણની મોસમ દસ્તક આપી રહી છે. રાષ્ટ્રીય રાજધાની દિલ્હીમાં, હવા ગુણવત્તા સૂચકાંક નવેમ્બર પહેલા જ ૪૦૦ ને પાર કરી ગયો છે. તેનો સીધો અર્થ એ થયો કે હવા એટલી ઝેરી બની ગઈ છે કે તેને શ્વાસ લેવો સ્વાસ્થ્ય માટે ખૂબ જ જોખમી છે.
(3:28 PM IST)
