બાંગ્લાદેશના રાષ્ટ્રપતિ ભવન બહાર વિદ્યાર્થીઓ દ્વારા ઉગ્ર પ્રદર્શન : રાજીનામાની માગ
પોલીસે દેખાવકારો પર લાઠીચાર્જ કર્યો અને ટીયર ગેસના શેલ પણ છોડ્યા : રાષ્ટ્રપતિ શેખ હસીનાની સરમુખત્યારશાહી સરકારની નજીક છે
ઢાકા, તા.૨૩: ભારતના પાડોશી દેશ બાંગ્લાદેશમાં ફરી એકવાર વિરોધ પ્રદર્શનો શરૂ થયા છે. આ વખતે પ્રદર્શનકારીઓએ પ્રમુખ મોહમ્મદ શહાબુદ્દીનને હટાવવાની માંગ કરી છે. મળતી માહિતી મુજબ, મંગળવારે મોડી રાત્રે રાષ્ટ્રપતિના નિવાસસ્થાન બંગભવનની સામે પણ દેખાવો કરવામાં આવ્યા હતા. આ દરમિયાન હજારો લોકો એકઠા થયા હતા અને સૂત્રોચ્ચાર કર્યા હતા. સ્થળ પર હાજર પોલીસકર્મીઓએ દેખાવકારોને રોકવા માટે બેરિકેડ લગાવ્યા હતા, પરંતુ રોષે ભરાયેલા લોકોએ તેને હટાવવાનો પ્રયાસ કર્યો હતો. બગડતી પરિસ્થિતિને સંભાળવા માટે, પોલીસે દેખાવકારો પર લાઠીચાર્જ કર્યો અને ટીયર ગેસના શેલ પણ છોડ્યા.
અગાઉ મંગળવારે બપોરે, વડાપ્રધાન શેખ હસીનાને હટાવવાની હાકલનું નેતળત્વ કરી રહેલા જૂથે ઢાકામાં શહીદ મિનારની મધ્યમાં એક રેલીમાં રાષ્ટ્રપતિના રાજીનામા સહિત પાંચ મુદ્દાની માંગણીઓ જાહેર કરી હતી. આ પછી તેઓ રાષ્ટ્રપતિ ભવન તરફ આગળ વધ્યા. જોકે પોલીસે તેમને અટકાવ્યા હતા. રોષે ભરાયેલા દેખાવકારોએ બંગાભવનની બહાર ધરણા કર્યા અને બાંગ્લાદેશના રાષ્ટ્રપતિના રાજીનામાની માંગ સાથે સૂત્રોચ્ચાર શરૂ કર્યા. ગુસ્સે થયેલા પ્રદર્શનકારીએ કહ્યું કે રાષ્ટ્રપતિ શેખ હસીનાની સરમુખત્યારશાહી સરકારની નજીક છે. તેમણે તાત્કાલિક રાજીનામું આપવું જોઈએ.
સૂત્રો પાસેથી મળેલા સમાચાર મુજબ પ્રમુખ મોહમ્મદ શહાબુદ્દીને નિવેદન આપ્યું છે. જેમાં તેણે કહ્યું હતું કે તેમની પાસે એવા કોઈ દસ્તાવેજ નથી જે સાબિત કરે કે વડાપ્રધાન શેખ હસીનાએ દેશ છોડતા પહેલા પોતાના પદ પરથી રાજીનામું આપી દીધું હતું. આ પછી, ત્યાં વિરોધ શરૂ થયો.
તમને જણાવી દઈએ કે, મોહમ્મદ શહાબુદ્દીન, જે મૂળ ચુપ્પુ તરીકે ઓળખાય છે, તે બાંગ્લાદેશના ૧૬માં રાષ્ટ્રપતિ છે. તેઓ ૨૦૨૩ ની રાષ્ટ્રપતિની ચૂંટણી માટે અવામી લીગના નામાંકન પર બિનહરીફ ચૂંટાયા હતા. વિરોધ કરી રહેલા વિદ્યાર્થીઓએ માંગ કરી છે કે ૧૯૭૨માં લખાયેલું બંધારણ નાબૂદ કરવામાં આવે અને ૨૦૨૪ના પરિપ્રેક્ષ્યમાં નવું બંધારણ લખવાની હાકલ કરવામાં આવે. નારાજ વિદ્યાર્થીઓએ અવામી લીગના વિદ્યાર્થી સંગઠન બાંગ્લાદેશ છાત્ર લીગ પર પ્રતિબંધની પણ માંગ કરી હતી.
વિરોધ કરી રહેલા વિદ્યાર્થીઓએ કહ્યું કે શેખ હસીનાના નેતળત્વમાં ૨૦૧૮ અને ૨૦૨૪માં યોજાયેલી ચૂંટણીઓને ગેરકાયદેસર જાહેર કરવી જોઈએ અને આ ચૂંટણીઓ જીતનારા સાંસદોને ગેરલાયક ઠેરવવા જોઈએ. જુલાઈપ્રઓગસ્ટના વિદ્રોહની ભાવનાને ધ્યાનમાં રાખીને તેમણે પ્રજાસત્તાકની ઘોષણા કરવાની માંગ કરી છે. તમને જણાવી દઈએ કે, આ વિરોધ ત્યારે શરૂ થયો હતો જ્યારે જુલાઈમાં બાંગ્લાદેશમાં સરકારી નોકરીઓમાં ક્વોટા સિસ્ટમને નાબૂદ કરવાની માંગ કરવામાં આવી હતી.
વધી રહેલા વિરોધને જોતા, શેખ હસીનાએ ૫ ઓગસ્ટના રોજ બાંગ્લાદેશના વડાપ્રધાન પદ પરથી રાજીનામું આપ્યું હતું, ત્યારબાદ વચગાળાની સરકારની સ્થાપના કરવામાં આવી હતી. ૭૬ વર્ષીય હસીના ૫ ઓગસ્ટે ભારત ભાગી ગઈ હતી અને નોબેલ પુરસ્કાર વિજેતા મુહમ્મદ યુનુસના નેતળત્વમાં વચગાળાની સરકારની રચના કરવામાં આવી હતી. ૮ ઓગસ્ટના રોજ, નોબેલ પુરસ્કાર વિજેતા અર્થશાષાી મુહમ્મદ યુનુસે બાંગ્લાદેશની વચગાળાની સરકારના વડા તરીકે શપથ લીધા હતા.
(3:32 PM IST)
છેલ્લા 8 દિવસમાં સૌથી લોકપ્રિય 
