રાષ્ટ્રપતિ જો બિડેન સાંજે વ્હાઇટ હાઉસમાં દિવાળી ઉજવશે
ભારતીય અમેરિકન સમુદાયને મોકલવામાં આવ્યું છે ઉજવણીનું આમંત્રણ : જો બિડેન તેમના ભાષણ પહેલા બ્લુ રૂમમાં દીવો પ્રગટાવશે : આ પછી તેઓ ભારતીય અમેરિકન સમુદાયને પણ સંબોધિત કરશે
વોશિંગ્ટન, તા.૨૮: યુએસ પ્રમુખ જો બિડેન સાંજે વ્હાઇટ હાઉસમાં દેશભરમાંથી મોટી સંખ્યામાં ભારતીય અમેરિકનો સાથે દિવાળીની ઉજવણી કરશે. વ્હાઇટ હાઉસ, રાષ્ટ્રપતિના સત્તાવાર નિવાસસ્થાન અને કાર્યાલયે જણાવ્યું હતું કે, ‘ગત વર્ષોની પરંપરાને ચાલુ રાખીને, રાષ્ટ્રપતિ તેમના ભાષણ પહેલા બ્લુ રૂમમાં દીવો પ્રગટાવશે.'
ત્યારબાદ તેઓ ભારતીય અમેરિકનોના મેળાવડા સમક્ષ ભાષણ આપશે જેમના માટે તેઓ સ્વાગત સમારોહનું આયોજન કરી રહ્યા છે. વ્હાઇટ હાઉસમાં રાષ્ટ્રપતિ બિડેનની આ છેલ્લી દિવાળીની ઉજવણી હશે કારણ કે તેઓ રાષ્ટ્રપતિની ચૂંટણી લડી રહ્યા નથી. અમેરિકાના ઘણા રાષ્ટ્રપતિઓ તેમના કાર્યકાળ દરમિયાન વ્હાઇટ હાઉસમાં દિવાળીની ઉજવણી કરતા આવ્યા છે.
વ્હાઇટ હાઉસ દ્વારા જારી કરવામાં આવેલા નિવેદનમાં કહેવામાં આવ્યું છે કે, રાષ્ટ્રપતિના ભાષણમાં યુએસ સ્પેસ એજન્સી ‘નાસા'ના પ્રતિષ્ઠિત અવકાશયાત્રી અને નૌકાદળના નિવળત્ત કેપ્ટન સુનીતા ‘સુની'વિલિયમ્સનો વીડિયો સંદેશ સામેલ હશે. તેણે ઈન્ટરનેશનલ સ્પેસ સ્ટેશન (ISS) પરથી શુભેચ્છા પાઠવતો વીડિયો રેકોર્ડ કર્યો, જ્યાં તેણે સપ્ટેમ્બરમાં કમાન્ડર તરીકેનો કાર્યભાર સંભાળ્યો.
નિવેદનમાં કહેવામાં આવ્યું છે કે, સુની એક હિંદુ છે અને તેણે અગાઉ ISS તરફથી વિશ્વભરના લોકોને દિવાળીની શુભેચ્છાઓ મોકલી છે. સમોસાથી લઈને ઉપનિષદ અને ભગવદ ગીતાની નકલો સુધીના તેમના વારસાની ઉજવણી કરવા માટે તે ISS પર સવાર છે અને તેની સાથે સંખ્યાબંધ ભારતીય/હિંદુ સાંસ્કળતિક વસ્તુઓ અને પ્રતીકો લઈ જાય છે.
(10:08 AM IST)
છેલ્લા 8 દિવસમાં સૌથી લોકપ્રિય 
