મુંબઈ. શિવસેના (એકનાથ શિંદે જૂથ)એ સોમવારે રાત્રે વધુ 15 ઉમેદવારોની યાદી જાહેર કરી છે. ભાજપ નેતા શાઈના એનસી મુંબાદેવી વિધાનસભા બેઠક પરથી શિવસેનાની ટિકિટ પર ચૂંટણી લડશે. રવિવારે રાત્રે પણ શિવસેનાએ 20 ઉમેદવારોની યાદી જાહેર કરી હતી.

   શિવસેનાએ તેની પ્રથમ યાદીમાં 45 ઉમેદવારોની જાહેરાત કરી હતી. પાર્ટીએ અત્યાર સુધીમાં કુલ 80 ઉમેદવારોની જાહેરાત કરી છે. મહારાષ્ટ્રની તમામ 288 વિધાનસભા બેઠકો પર 20મી નવેમ્બરે એક જ તબક્કામાં મતદાન થઈ રહ્યું છે. નોમિનેશન પ્રક્રિયા શરૂ થઈ ગઈ છે. ઝારખંડની સાથે મહારાષ્ટ્ર વિધાનસભા ચૂંટણીના પરિણામો 23 નવેમ્બરે જાહેર થશે.

    કોંગ્રેસે સોમવારે ઝારખંડની બે અને મહારાષ્ટ્રની ચાર વિધાનસભા બેઠકો માટે ઉમેદવારોની જાહેરાત કરી હતી. મહારાષ્ટ્રના અકોલા પશ્ચિમથી સાજિદ ખાન મન્નાન ખાનને ઉમેદવાર બનાવવામાં આવ્યા છે. ડીરા દેવાસી કોલાબાથી ચૂંટણી લડશે

 ચેતન નરોટે સોલાપુર સિટી સેન્ટ્રલ એસેમ્બલી સીટ પરથી મેદાનમાં છે. કોલ્હાપુર ઉત્તર બેઠક પર રાજેશ ભરત લટકરની જગ્યાએ મધુરિમરાજે માલોજીરાજે છત્રપતિને મેદાનમાં ઉતારવામાં આવ્યા છે. રવિવારે કોંગ્રેસે 14 ઉમેદવારોની જાહેરાત કરી હતી. ઝારખંડના બોકારોમાંથી શ્વેતા સિંહ અને ધનબાદથી અજય દુબેને ઉમેદવાર બનાવવામાં આવ્યા છે.