૭૦ વર્ષથી વધુ ઉંમરના બધા વરિષ્ઠ નાગરિકોને હવે આયુષ્માન ભારતનો મળશે લાભ
દિવાળી પૂર્વે વડિલોને પીએમ મોદીની ભેટ : બધા વડિલોને મળશે રૂ.૫ લાખનું હેલ્થ કવર : ૪.૫ કરોડ ઘરોના ૬ કરોડ નાગરિકોને થશે લાભ
નવી દિલ્હી, તા.૨૯: વડાપ્રધાન નરેન્દ્ર મોદીએ દિલ્હીમાં એક કાર્યક્રમ દરમિયાન વળદ્ધ લાભાર્થીઓને આયુષ્માન વય વંદન કાર્ડ આપ્યા. આ સાથે આયુષ્માન યોજનાનો નવો તબક્કો શરૂ થયો. હવે દેશના ૭૦ વર્ષથી વધુ ઉંમરના તમામ વળદ્ધો આયુષ્માન યોજના હેઠળ ફ્રી સારવાર મેળવી શકશે. આ અંતર્ગત તેઓ દર વર્ષે ૫ લાખ રૂપિયા સુધીની ફ્રી સારવાર મેળવી શકશે. આ સમયગાળા દરમિયાન, વડા પ્રધાને શિલાન્યાસ કર્યો અને ૧૨૮૫૦ કરોડ રૂપિયાના અનેક આરોગ્ય પ્રોજેક્ટોનું ઉદ્ધાટન કર્યું. અખિલ ભારતીય આયુર્વેદ સંસ્થાન, દિલ્હી ખાતે આ કાર્યક્રમનું આયોજન કરવામાં આવ્યું હતું.
અમીર હોય કે ગરીબ હોય કે મધ્યમવર્ગીય પરિવારનો વરિષ્ઠ નાગરિક, હવે તેને હોસ્પિટલની સારવાર માટે પૈસાની ચિંતા નહીં કરવી પડે, કારણ કે આયુષ્માન ભારત પ્રધાન મંત્રી જન આરોગ્ય યોજના (ABÕþPMJAY) હેઠળ ૭૦ વર્ષ કે તેથી વધુ ઉંમરના લોકો લાભ માટે પાત્ર બનો વડાપ્રધાન મોદી આજે તમામ વળદ્ધ નાગરિકો માટે સ્વાસ્થ્ય વીમા યોજના શરૂ કરી છે.
આ યોજના હેઠળ ૭૦ વર્ષથી વધુ ઉંમરના તમામ વળદ્ધોને આરોગ્ય કવરેજ મળશે. આ સુવિધા કોઈપણ આવક જૂથના વડીલો માટે ઉપલબ્ધ હશે. તેનાથી દેશના લગભગ ૪.૫ કરોડ પરિવારોના ૬ કરોડથી વધુ વડીલોને ફાયદો થશે. અત્યાર સુધી આ યોજનામાં માત્ર નબળા આવક જૂથના પરિવારોને જ સામેલ કરવામાં આવ્યા છે. પરંતુ હવે વળદ્ધો માટે આવી કોઈ આવક મર્યાદા રહેશે નહીં. દિલ્હીમાં આયોજિત કાર્યક્રમ દરમિયાન પીએમ મોદીએ ઘણા વળદ્ધોને કાર્ડ આપ્યા. આ દરમિયાન સ્વાસ્થ્ય મંત્રી જેપી નડ્ડા અને અન્ય ઘણા મંત્રીઓ અને અધિકારીઓ પણ હાજર હતા.
આયુષ્માન ભારત પ્રધાન મંત્રી જન આરોગ્ય યોજના હેઠળ વળદ્ધોને આ સુવિધા મળશે. ૧૧ સપ્ટેમ્બર, ૨૦૨૪ના રોજ કેબિનેટ દ્વારા તેને મંજૂરી આપવામાં આવી હતી. આ અંતર્ગત દેશના તમામ વળદ્ધો, જેમની ઉંમર ૭૦ વર્ષથી વધુ છે, તેમને આ યોજનાનો લાભ મળશે. આ યોજનાના લાભાર્થીઓને અલગ કાર્ડ આપવામાં આવશે. આ ફેમિલી આયુષ્માન પ્લાનથી અલગ હશે. આ ઉપરાંત જે પરિવારો પહેલાથી જ આ યોજનાનો લાભ મેળવી રહ્યા છે, તેમને પરિવારના વળદ્ધ સભ્ય માટે દર વર્ષે ૫ લાખ રૂપિયાનું અલગ ટોપ અપ મળશે. આ ટોપ અપ સાથે, ફક્ત વળદ્ધોની સારવાર કરવામાં આવશે અને પરિવારના અન્ય કોઈ વ્યક્તિની આ રકમથી સારવાર કરવામાં આવશે નહીં.
તે જ સમયે, કોઈપણ અન્ય સરકારી યોજના, કેન્દ્રીય કર્મચારીઓ માટે આરોગ્ય યોજનાનો લાભ મેળવતા વળદ્ધ લોકો પાસે આયુષ્માન કાર્ડ લેવાનો અથવા પહેલાથી ચાલી રહેલી યોજનામાં સામેલ રહેવાનો વિકલ્પ હશે. એટલું જ નહીં, ખાનગી સ્વાસ્થ્ય વીમા યોજનાઓ અને ESI યોજનાનો લાભ લેતા લોકોને પણ આ હેઠળ આવરી લેવામાં આવશે.
(3:11 PM IST)
છેલ્લા 8 દિવસમાં સૌથી લોકપ્રિય 
