જયપુર. રાજસ્થાનના સીકર જિલ્લામાં મંગળવારે બપોરે એક ફ્લાયઓવરની પાંખની દિવાલ સાથે બસ અથડાતાં 12 લોકોના મોત થયા હતા અને 36થી વધુ મુસાફરો ઘાયલ થયા હતા. પોલીસે આ માહિતી આપી છે. જિલ્લા પોલીસ અધિક્ષક ભુવન ભૂષણ યાદવે જણાવ્યું કે સાલાસરથી લક્ષ્મણગઢ તરફ આવી રહેલી એક ખાનગી બસ વળાંક લેતી વખતે લક્ષ્મણગઢમાં ફ્લાયઓવરના એક ભાગ સાથે અથડાઈ હતી.

   તેમણે જણાવ્યું કે આ અકસ્માતમાં 12 લોકોના મોત થયા છે અને 36થી વધુ લોકો ઘાયલ થયા છે. જેમાં 5 મહિલાઓ સહિત 12 લોકોએ જીવ ગુમાવ્યા હતા. તેમણે એમ પણ કહ્યું કે ઘાયલોને સારવાર માટે લક્ષ્મણગઢ અને સીકરની હોસ્પિટલમાં લઈ જવામાં આવ્યા છે.

   ઘટના બાદ પોલીસ અને પ્રશાસનની ટીમ ઘટનાસ્થળે પહોંચી હતી અને ઘાયલોને વહેલી તકે હોસ્પિટલ પહોંચાડવા માટે રાહત કાર્ય શરૂ કર્યું હતું. 

    આ મામલે IG સત્યેન્દ્ર ચૌધરીનું નિવેદન પણ સામે આવ્યું છે. "કેટલાક ઘાયલોને જયપુર રીફર કરવામાં આવ્યા છે અને અન્ય સીકરની એસકે હોસ્પિટલમાં સારવાર હેઠળ છે," તેમણે કહ્યું. ઘાયલોને યોગ્ય સારવાર આપવામાં આવી રહી છે. અકસ્માત પાછળનું કારણ તપાસવામાં આવી રહ્યું છે.