નવી દિલ્‍હી,તા. ૩૦: સેન્‍ટ્રલ બોર્ડ ઓફ સેકન્‍ડરી એજયુકેશન(CBSE) દ્વારા તમામ સરકારી અને ગ્રાન્‍ટેડ શાળાઓને તેમના નામ પહેલાં ‘પીએમ શ્રી' અપડેટ કરવા માટે નિર્દેશ આપ્‍યા છે. આ માટે CBSE બોર્ડ દ્વારા સારસ પોર્ટલ પર આ માટે શાળાઓ પાસેથી ઓનલાઈન અરજીઓ મગાવવામાં આવશે. શૈક્ષણિક વર્ષ ૨૦૨૫-૨૬ માટે સારસ પોર્ટલ બંધ હોવાથી ત્‍યારપછીના શૈક્ષણિક વર્ષ માટે પોર્ટલ ઓપન થયા બાદ સ્‍કૂલોએ નામ અપડેટ કરવા માટેની ઓનલાઈન અરજીઓ કરવાની રહેશે. પીએમ સ્‍કૂલ ફોર રાઈસિંગ ઈન્‍ડિયા (‘પીએમ શ્રી') યોજના હેઠળ પસંદ થયેલી શાળાઓ દ્વારા નામ અપડેટ કરવા માટે બોર્ડને અવારનવાર વિનંતી કરવામાં આવી હોવાથી બોર્ડે માર્ગદર્શિકા જાહેર કરી છે.

આ માટે પોર્ટલ પર એક લિન્‍ક ખોલવામાં આવશે, જયાં શાળાઓ શાળાના નામની શ્રેણીમાં ફેરફાર હેઠળ અરજી કરવાની રહેશે. ‘પીએમ શ્રી'યોજના હેઠળ પસંદ કરાયેલી શાળાઓ તરફથી તેમના નામ અપડેટ કરવા માટે બોર્ડને વિનંતીઓ મળી છે. જેથી સ્‍કૂલોના નામમાં ફેરફાર અંગે હવે  બોર્ડની વેબસાઈટ સારસ પર શાળાના નામમાં ફેરફાર વિભાગ હેઠળ તેમની અરજીઓ સ્‍કૂલ સબમિટ કરી શકે છે. CBSEબોર્ડના મત અનુસાર, આ માર્ગદર્શિકા એટલા માટે જારી કરવામાં આવી છે કે, બોર્ડને ભારત સરકારની પીએમ સ્‍કૂલ ફોર રાઈસિંગ ઈન્‍ડિયા યોજના હેઠળ પસંદગીના આધારે તેમની સંબંધિત શાળાઓના નામ અપડેટ કરવા માટે શાળાઓ તરફથી સમયાંતરે વિનંતીઓ મળી રહી હતી.

CBSE બોર્ડનું સારસ પોર્ટલ સત્ર ૨૦૨૫-૨૬ માટે બંધ છે. આ પોર્ટલ જયારે ખુલશે ત્‍યારે શાળાઓએ નામની આગળ ‘પીએમ શ્રી'ઉમેરવા માટે ઓનલાઈન અરજી કરવાની રહેશે.