લખનૌ :ઈસ્લામ છોડીને હિંદુ ધર્મ અપનાવનાર શિયા વક્ફ બોર્ડના પૂર્વ અધ્યક્ષ વસીમ રિઝવીએ હવે પોતાની જાતિ બદલી છે. તેણે પોતાનું નામ બદલીને જીતેન્દ્ર નારાયણ સિંહ સેંગર રાખ્યું છે. હવે તે ત્યાગી બ્રાહ્મણમાંથી ઠાકુર બની ગયો છે. તેણે ઈસ્લામ છોડીને વર્ષ 2021માં હિંદુ ધર્મ અપનાવ્યો. પછી તેણે પોતાનું નામ બદલીને જીતેન્દ્ર નારાયણ ત્યાગી રાખ્યું. રિઝવીએ પોતાના નિવેદનમાં કહ્યું હતું કે હું ઘરે પરત ફર્યો છું.

    જિતેન્દ્ર નારાયણ સિંહ સેંગરે પણ દિવાળીના અવસર પર તમામને અભિનંદન અને શુભેચ્છાઓ પાઠવી હતી. પોતાના નવા નામની પણ જાહેરાત કરી. જ્યારે વસીમ રિઝવીએ ઈસ્લામ છોડીને હિંદુ ધર્મ અપનાવ્યો ત્યારે તે ચર્ચામાં આવ્યો હતો. હવે જિતેન્દ્ર નારાયણ સિંહ સેંગર 2017માં ઉત્તર પ્રદેશમાં યોગી આદિત્યનાથની સરકાર આવ્યા બાદથી સમાચારોમાં છે. મદરેસા શિક્ષણને આતંકવાદ સાથે જોડતી અને કુતુબમિનારને હટાવવાની માગણી કરતી અરજી સુપ્રીમ કોર્ટમાં દાખલ કર્યા બાદ તે ચર્ચામાં આવ્યો હતો. 

     રિઝવીએ તે સમયે દાવો કર્યો હતો કે કેટલીક શૈક્ષણિક સંસ્થાઓ ઉગ્રવાદી વિચારધારાને પ્રોત્સાહન આપે છે, આ નિવેદન બાદ શિયા અને સુન્ની બંને સમુદાયના લોકોએ તેમનો વિરોધ કર્યો હતો. શિયા અને સુન્ની એમ બંને સંપ્રદાયોના ઉલેમાઓએ તેમના વિવાદાસ્પદ મંતવ્યો પર તેમની વિરુદ્ધ ફતવા બહાર પાડીને પ્રતિભાવ આપ્યો, અને દાવો કર્યો કે તેમને ઇસ્લામમાંથી હાંકી કાઢવામાં આવ્યા છે. 

   વસીમ રિઝવીને દસના દેવી મંદિરમાં મહંત યતિ નરસિમ્હાનંદ સરસ્વતીની હાજરીમાં પંડિતો દ્વારા વૈદિક મંત્રોચ્ચાર અને અનુષ્ઠાન દ્વારા સનાતન ધર્મ સ્વીકારવામાં આવ્યો હતો. ધર્મ પરિવર્તન બાદ વસીમ રિઝવીએ કહ્યું હતું કે સનાતન ધર્મ વિશ્વનો સૌથી પવિત્ર ધર્મ છે.