રિપબ્લિકન પાર્ટીના રાષ્ટ્રપતિ પદના ઉમેદવાર ડોનાલ્ડ ટ્રમ્પ ફ્લોરિડામાં તેમના સમર્થકોને સંબોધિત કરી રહ્યા છે. તેઓ પત્ની મેલાનિયા ટ્રમ્પ અને પ્રચાર સ્ટાફ સાથે સ્ટેજ પર પહોંચ્યા હતા

ટ્રમ્પે કહ્યું, "અમે અમારા દેશને પુનઃપ્રાપ્ત કરવામાં મદદ કરીશું." ટ્રમ્પે કહ્યું કે આ અમેરિકા માટે "સુવર્ણ યુગ" હશે.

  તેમણે કહ્યું, "અમેરિકન લોકો માટે આ એક મહાન વિજય છે. જે આપણને અમેરિકાને ફરીથી મહાન બનાવવા માટે સક્ષમ બનાવશે." 

  ટ્રમ્પના કેમ્પેનનું સ્લોગન હતું - મેક અમેરિકા ગ્રેટ અગેઈન. તેનો અર્થ એ છે કે અમેરિકાને ફરીથી મહાન બનાવવું. ટ્રમ્પે પોતાની જીત જાહેર કરી છે. જો કે હજુ સુધી તેની સત્તાવાર જાહેરાત કરવામાં આવી નથી. 

ટ્રમ્પે કહ્યું કે, અમેરિકાએ અમને અભૂતપૂર્વ અને શક્તિશાળી બહુમતી આપી છે.

ટ્રમ્પ ફ્લોરિડામાં કેમ્પેન હેડક્વાર્ટરમાં તેમના સમર્થકોને સંબોધિત કરી રહ્યા છે. તેમને સાંભળવા માટે મોટી સંખ્યામાં લોકો અહીં આવ્યા છે. 

  તેણે ભીડને કહ્યું કે તેને આશા છે કે એક દિવસ તે પાછળ જોશે અને કહેશે કે આ "તેમના જીવનના સૌથી મહત્વપૂર્ણ દિવસો" હતા.

  અમેરિકાના સાતમાંથી ત્રણ સ્વિંગ રાજ્યોમાં જીત બાદ રિપબ્લિકન પાર્ટીના ઉમેદવાર અને અમેરિકાના ભૂતપૂર્વ રાષ્ટ્રપતિ ડોનાલ્ડ ટ્રમ્પના ફ્લોરિડામાં તેમના સંબોધનના સમાચાર વચ્ચે તેમના સમર્થકો અહીં એકઠા થઈ રહ્યા છે.

   એવું માનવામાં આવે છે કે ટ્રમ્પ ફ્લોરિડામાં તેમના ચૂંટણી પ્રચારના મુખ્યાલયમાં આવશે.

ટ્રમ્પ માટે સ્ટેજ તૈયાર છે. તેમની સાથે ઉપરાષ્ટ્રપતિ પદના ઉમેદવાર જેડી વેન્સ પણ આવી શકે છે.

આ સાથે અમેરિકાના ઘણા ભાગોમાંથી તેમના સમર્થકોની તસવીરો પણ સામે આવી રહી છે

 , જેઓ ઉજવણી કરતા જોવા મળે છે. કેટલાક લોકોએ MAGA (મેક અમેરિકા ગ્રેટ અગેઇન - ટ્રમ્પના પ્રચાર સૂત્ર) ટોપી પહેરી છે, જ્યારે અન્ય અમેરિકન ધ્વજમાં લપેટી છે.