કઠુંઆ તા.૧૩: સોશિયલ મીડિયા પર એક ચોંકાવનારો વીડિયો વાયરલ થઈ રહ્યો છે, જેને જોઈને તમે ચોંકી જશો. તમે ગાયની તસ્‍કરી વિશે ઘણીવાર સાંભળ્‍યું હશે અને એવા ઘણા કિસ્‍સાઓ પણ જોયા હશે જેમાં લોકો અલગ-અલગ રીતે ગાયોની તસ્‍કરી કરે છે. પરંતુ તાજેતરનો કેસ દાણચોરીનું અલગ સ્‍તર અને યોજના દર્શાવે છે. અહીં ગાયોના દાણચોરોએ પેટ્રોલ ટેન્‍કરનો ઉપયોગ ગાયોની તસ્‍કરીના સાધન તરીકે કર્યો અને તેમાં ગાયો લઈ ગયા. બુલડોઝર વડે કન્‍ટેનર તોડવામાં આવતા લોકો ચોંકી ઉઠ્‍યા હતા.સોશિયલ મીડિયા પર વાયરલ થઈ રહેલા વીડિયોમાં, એક ટ્રક જોવા મળી રહ્યું છે. આ ટ્રકની પાછળ એક પેટ્રોલ કન્‍ટેનર ઉભું છે, જેને જોઈને કોઈને પણ લાગશે કે તેમાંથી પેટ્રોલ કે ડીઝલ સપ્‍લાય થઈ રહ્યું છે. પણ અહીં મામલો અલગ છે. અહીં ગાયના તસ્‍કરોએ ગાયને ગેરકાયદેસર રીતે પરિવહન કરવા માટે પેટ્રોલ કન્‍ટેનરમાં  ભરી હતી.  એટલું જ નહીં ગાયોને દોરડાથી બાંધવામાં આવી છે. જેથી તે રોડ પર વાહનમાં બ્રેક લાગવાના કિસ્‍સામાં પડવાથી બચી શકે.આ વીડિયો જમ્‍મુ-કાશ્‍મીરના કઠુંઆનો હોવાનું જણાવાય રહ્યું છે.