મુંબઇમાં અમિતભાઇની પ્રેસ કોન્ફરન્સમાં ઘુસ્યો બોગસ પત્રકારઃ પોતાના ઉપર જ કર્યો હતો હુમલો
મુંબઈતા. ૧૩: મહારાષ્ટ્રની રાજધાની મુંબઈમાં કેન્દ્રીય ગળહમંત્રી અમિતભાઇ શાહની સુરક્ષામાં મોટી ખામીનો મામલો સામે આવ્યો છે. મુંબઈ પોલીસે એક ૫૩ વર્ષીય વ્યક્તિની ધરપકડ કરી છે જે એક હોટલમાં અમિત શાહની બીજેપી કાર્યકર્તાઓ સાથેની મીટિંગમાં ઘૂસી ગયા હતા. આરોપીની ઓળખ કાનપુરના રહેવાસી શક્તિ પ્રકાશ ભાર્ગવ તરીકે થઈ છે.
આરોપીેએ રવિવારે બાંદ્રા કુર્લા કોમ્પ્લેક્સની હોટલમાં હાઇ-સિકયોરિટી ઇવેન્ટમાં પ્રવેશવા માટે નકલી મીડિયા ઓળખ કાર્ડનો ઉપયોગ કર્યો હતો. શાહની પ્રેસ કોન્ફરન્સ ચાલી રહી હતી, તે દરમિયાન આરોપી વ્યક્તિ અચાનક સ્ટેજ પાસે આવ્યો હતો. તેણે પોતાના પર તિક્ષ્ણ હથિયાર વડે હુમલો કરવાનો પ્રયાસ કર્યો હતો.
આ જોઈને પોલીસે તરત જ આરોપીની અટકાયત કરી હતી. તેની તપાસ કરવામાં આવી તો જાણવા મળ્યું કે તે નકલી પત્રકાર હતો. તેઓ ખોટા નામથી પ્રેસ કોન્ફરન્સમાં પ્રવેશ્યા હતા. તેણે પોતાના પર હુમલો કર્યો હતો, જેથી પોલીસે તેને સારવાર માટે પહેલા હોસ્પિટલમાં મોકલી આપ્યો હતો. જે બાદ એક અખબાર જેના નામે આરોપી અમિત શાહની પ્રેસ કોન્ફરન્સમાં પ્રવેશ્યો હતો. જ્યારે તેના રિપોર્ટરની પૂછપરછ કરવામાં આવી ત્યારે ખબર પડી કે તેને તેના ખાનગી અખબાર સાથે કોઈ લેવાદેવા નથી.
(4:22 PM IST)
છેલ્લા 8 દિવસમાં સૌથી લોકપ્રિય 
