ડોમિનિકા, તા.૧૪  : વડાપ્રધાન નરેન્દ્ર મોદીને ફરી એકવાર સર્વોચ્ચ રાષ્ટ્રીય પુરસ્કારથી સન્માનિત કરવામાં આવશે. કોમનવેલ્થ ઓફ ડોમિનિકા વડાપ્રધાન નરેન્દ્ર મોદીને તેનો સર્વોચ્ચ રાષ્ટ્રીય પુરસ્કાર 'ડોમિનિકા ઓર્ડર ઑફ ઓનર' એનાયત કરશે. આ પુરસ્કાર કોવિડ-૧૯ રોગચાળા દરમિયાન ડોમિનિકામાં પીએમ મોદીના યોગદાન, આ ઉપરાંત ભારત અને ડોમિનિકા વચ્ચેની ભાગીદારીને મજબૂત કરવા માટેના તેમના સમર્પણમાં આપવામાં આવી રહ્યો છે.

કોમનવેલ્થ ઑફ ડોમિનિકાએ તેના પત્રમાં જણાવ્યું છે કે કોમનવેલ્થ ઑફ ડોમિનિકા વડાપ્રધાન નરેન્દ્ર મોદીને તેનો સર્વોચ્ચ રાષ્ટ્રીય પુરસ્કાર 'ડોમિનિકા એવોર્ડ ઓફ ઓનર' એનાયત કરશે. આ એવોર્ડ કોવિડ-૧૯ રોગચાળા દરમિયાન ડોમિનિકામાં તેમના યોગદાન અને ભારત અને ડોમિનિકા વચ્ચેની ભાગીદારીને મજબૂત કરવા માટેના તેમના સમર્પણને માન્યતા આપે છે. ગુયાનામાં આગામી ઈન્ડિયા-કેરીકોમ સમિટ દરમિયાન રાષ્ટ્રપતિ સિલ્વાની બર્ટનના હસ્તે આ એવોર્ડ આપવામાં આવશે.

આ પત્રમાં વધુમાં લખાયું છે કે, ફેબ્રુઆરી ૨૦૨૧માં ભારતે ડોમિનિકાને એસ્ટ્રાઝેનેકા કોવિડ-૧૯ રસીના ૭૦,૦૦૦ ડોઝ પૂરા પાડ્યા હતા. જેનાથી ડોમિનિકા તેના કેરેબિયન પાડોશીઓને મદદ કરી શકે. આ પુરસ્કાર પીએમ મોદીના નેતૃત્વ હેઠળ આરોગ્ય સંભાળ, શિક્ષણ, માહિતી ટેક્નોલોજી અને આબોહવા સ્થિતિસ્થાપકતા નિર્માણ પહેલમાં ડોમિનિકાને ભારતના સમર્થનમાં પણ સ્વીકારે છે.

વડાપ્રધાન સ્કેરિટે વૈશ્વિક આરોગ્ય કટોકટી દરમિયાન પીએમ મોદીના નોંધપાત્ર સમર્થનને હાઇલાઇટ કરીને તેમની એકતા માટે ડોમિનિકાના આભારની લાગણી વ્યક્ત કરી હતી. તેમણે ભારપૂર્વક જણાવ્યું હતું કે આ એવોર્ડ બંને દેશો વચ્ચેના મજબૂત સંબંધો અને આ ભાગીદારીને આગળ લઈ જવાની પ્રતિબદ્ધતાનું પ્રતીક છે.

ડોમિનિકન રાષ્ટ્રપતિ સિલ્વેની બર્ટન આગામી ઈન્ડિયા-કેરીકોમ (કેરેબિયન કોમ્યુનિટી) સમિટ દરમિયાન પીએમ મોદીને સન્માન આપશે. આ સમિટ ૧૯ થી ૨૧ નવેમ્બર વચ્ચે જ્યોર્જટાઉન ગુયાનામાં યોજાશે. આ અવસર પર ભારત અને કેરેબિયન દેશો વચ્ચેના સંબંધોને વધુ મજબૂત કરવા પર વિચાર કરવામાં આવશે.